مِٹھی زبان سرائیکی

خزاں دی رُت وِچ بہار موسم جے آونڄے تاں عجیب لڳدے

کوئی ساتھی قربت دے پیارے لمحے وی چا وّنڄے تاں عجیب لڳدے

کوئی جے وّل وّل دِلا سے ݙیوے حیاتی ساری دیاں قسماں چاوے

تے چا وِسارے اُو ڈھیر مُدت بھُلا ونڄے تاں عجیب لڳدے

اساݙی منزل سُراب منزل اساں تاں سُورج دے نال ڈھلݨے

پِچھانواں بݨ تے کوئی درد ساݙے ونڈا ونجے تاں عجیب لڳدے

اساں تاں نقاش حیاتی ساری ہِیں آستین اِچ پے نانگ پالین

سڄݨ ، لٹیرا جے بݨ تے ساکوں بچا ونڄے تاں عجیب لڳدے