مونجھ

اویں تاں ساری خلقت جہان دی نویں پُرانْی آباد کار ہے پر تل وطنی ، مقامی، لوکل اوہو سڈیندے جیہڑا دھرتی دے لوک بیانیہ نال جُڑ ونجے ۔ اے لوک بیانیہ مقامی بولیاں نال پیار تے اوندے ءچ اپنْا حصہ رلاونْ نال شروع تھیندے تے قومی حقوق دی بحالی دی سیاسی جدوجہد تے ونج مُکدے۔۔۔۔۔ ضلع راجن پور دے مقامی شاعر اشکر فاروقی نے سرائیکی دھرتی ءچ اپنْی روح کوں اینویں شامل کیتے جو جیویں جو کوئی ڈاہ پیڑھیاں دا وسیندڑ ہو وے۔ کیا سوہنْے اکھراں نال دھمال کھیڈے اشکر فاروقی نے اپنْی نظم ءچ۔ شہزادعرفان

مونجھ

منڈیروں لتھی ویڑھے وسدی مونجھ تاں ھے کلبوت دے چار چودھاروں ولہڑی مونجھ تاں چھل اے دل توں نکھتی مونجھ ھے روھی سنج بر سنگری مونجھ تاں تانگھ اے اوں دلبر دی جیڑھا ڈے گیے دل مندری کوں سک دا تھیوا مونجھ سفر ھے کلہی دھپ دا بے ونڑ راہ دا پندھ اے مونجھ ھے سجھ دی لہندی ڈسکی مونجھ منڈیروں لتھی دل دے کوٹھے چڑھدے ڈکھ دی مٹی

اشکرفاروقی داتعلق تحصیل جامپور نال ہے