Jump to content

منیبہ مزاری

وکیپیڈیا توں

منیبہ مزاری (انگریزی: Muniba Mazari) (ڄَمَّݨ دی تَرِیخ: ٣ مارچ ١٩٨٧ء) وہیل چیئر تئیں محدود ہِک پاکستانی مصورہ، مقررہ اَتے ہِک سماجی کارکن وی ہِن۔

حادثہ اَتے ذاتی حیاتی[لکھو | ماخذ وچ تبدیلی کرو]

اُوہ ٢١ ورھیاں دی عُمر وِچ کار دے حادثے دے باعث وہیل چیئر تئیں محدود تِھی ڳئی ہَن۔ اِیں حادثے دے بعد اُوہ اپݨی ݙُون٘ہائیں لَتّاں دے استعمال تُوں پالھی تِھی ڳئی ہَن۔ رَڑھ دی ہݙی وِچ لڳّݨ آلی سَٹ نے اِنّھاں دی حیاتی اَتے شخصیّت دا رُخ ای بَدل ݙِتّا۔ [١]اُوہ ہِک ٥ ورھیاں دے ٻال دی اَمّاں وی ہِے۔

کَم کار آلی حیاتی[لکھو | ماخذ وچ تبدیلی کرو]

منیبہ ہِک ڳائیکہ اَتے سماجی کارکن وی ہِے۔ [٢]منیبہ مزاری دا ناں "فوربز رسالے" دی سن ٢٠١٦ء دی ٣٠ ورھیاں توں گھٹ عمر مہان٘دری شخصیّتاں دے تن٘دِیر وِچ وی رَلایا ڳیا ہئی۔ منیبہ نے ٹریفک حادثے تُوں بعد علاج دے وِچالے وِچ اِیں حادثے دے اثرات اَتے ݙُکّھاں اَتے اوکھاں کُوں اپݨی بھال تُوں ہٹاوݨ کِیتے مصوری دا اَغاز کِیتا۔ پولیو مہم دے ہِک اشتہار نے اِنّھاں دی بھال اپݨے کَن کرا گِھدّی۔ منیبہ دے مطابق اِیں ݙیہاڑے اُنّھاں نے ارادہ ٻَدّھا جو اُوہ لوکاں وِچ اِیں شعور کُوں بیدار کرݨ کِیتے کَم کریسِن جو معذوری دا مطلب اِیہ نئیں جو تُساں قابلِ رحم ہِیوے۔ تُساں معذوری دے باوجود دُنیا دا کوئی وی کَم کر سڳدے ہِیوے۔ اِیں وِچار اُتے عمل کرین٘دے ہوئے منیبہ نے اُوہ سبھ کُجھ حاصل کِیتا جیڑھا معذوری دے شکار کہِیں وی مُݨس کِیتے ہِک مثال ہِے۔

اعزازات[لکھو | ماخذ وچ تبدیلی کرو]

منیبہ نہ صرف پاکستان دی پہلی وہیل چیئر تئیں محدود ماڈل ہِن ڄاں جو مہان٘درے برانڈ "باڈی شاپ" دی برانڈ ایمبیسیڈر وی ہِن۔ اُوہ ڳائیکی وِی کرین٘دی ہِن۔ اِین٘دے تُوں اَنج اُوہ ہِک اِیہو جئیں سکول دے نال وی کَم کرین٘دی ہِن، جیڑھا مُتھاڄ ٻالاں کوں تعلیم ݙین٘دا ہِے۔ منیبہ دی کوشِت ہون٘دی ہِے جو اُوہ عطیہ کرݨ آلے بندیاں دی بھال اِیں سکول دے کَن ݙیواوِن ڄاں جو اِتّھاں وَدھ تُوں وَدھ ٻال داخلہ گِھن سڳِّن اَتے مُفت تعلیم حاصل کر سڳِّن۔ اِین٘دے تُوں اَنج وی منیبہ کئی سماجی کَمّاں وِچ حِصّہ گِھندی ہِن۔

اقوام متحدہ دے ادارہ برائے زنانیاں نے پچھوکڑ ورھیاں دسمبر وِچ منیبہ کُوں خیر سگالی دی سفیر بݨایا۔ اُوہ پہلی پاکستانی زنانی ہِن، جِنّھاں کُوں اِیہ اعزاز مِلّیا۔

معذوری کُوں اپݨی تَکڑائی ثابت کرݨ اَتے اپݨے جئیں لوکاں کُوں آس ݙِیواوݨ دی اِنّھاں کوشتاں کوں صرف پاکستان ای نئیں جاں جو بین الاقوامی سطح تے وِی چِتوایا وین٘دا ہِے۔ اِین٘دا ثبوت ہِک برطانوی نشریاتی ادارے دی طرفُوں منیبہ مزاری کُوں سن ٢٠١٥ء وِچ اِنّھاں ہِک سو زنانیاں دی تن٘دِیر وِچ شامل کرݨ ہِے۔

ٻِیا ݙیکھو[لکھو | ماخذ وچ تبدیلی کرو]

حوالہ جات[لکھو | ماخذ وچ تبدیلی کرو]

  1. http://blogs.arynews.tv/muniba-mazari-courageous-and-hopeful-in-the-face-of-disability/
  2. http://www.dawn.com/news/Living colours: Strength not bound to a wheelchair

ٻاہرلے جوڑ[لکھو | ماخذ وچ تبدیلی کرو]