منکیرہ

منکیرہ سرائیکی وسیب دا ہک تاریخی شہر اے , اتھوں دی مقامی تے اکثریتی زبان سرائیکی اے۔ منکیرہ ضلع بھکر دی تحصیل ہے۔ بھکر توں 40میل دے فاصلے تے واقع ہے۔ ایکوں مانک سیال نے 1389ء اچ آباد کیتا ۔ مغلاں دے دور اچ انہاں دے گورنر دا نمائندہ اتھائیں رہندا ہا۔ علاقے دے مسائل اسلامی شریعت دے مطابق حل کیتے ویندے ہن۔ سکھاں دے عہد حکومت اچ راجا رنجیت سنگھ نے جݙاں سارے پنجاب تے قبضہ کر گھٖدا تاں اُوں منکیرہ کوں فتح کر تے ضلع بھکر کوں سکھ حکومت اچ شامل کر گھٖدا ۔ ول انگریزاں دے تسلط اچ آیا تے ایکوں تحصیل دا درجہ ݙتا ڳیا۔ اتھاں قالین، کھدر ، کھیس تے دریا ں تیار کیتیاں ویندیاں ہن۔ نیڑے دے ریلوے سٹیشن بھکر ہے۔ اطراف اچ پکیاں سڑکاں ہن جیڑھیاں ݙوجھے قصبیاں نال ملیندین۔ طلبہ تے طالبات سانگے کئی ہائی سکول ہن۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء