منشاد شہزادی

منشاد شہزادی سرائیکی زبان دی شاعرہ ہے۔

ڄم پل

٢ فروری ١٩٩٣ء کوں ڄمی۔ تحصیل و ضلع وہاڑی ڈاکخانہ پکھی موڑ توں ترائے ہک میل قظب ١٠ چک سڑک دا جوڑ ہے۔

نمونہ کلام

سہرا

میں تے سرخی سرمے گلیندی ودی ہاں.

اڑی جنج دی تیاری کریندی ودی ہاں.

جنج ادے دی وہاڑی ویسی.

وسیب سارا رل جشن منیسی.

سکھیاں کوں دعوت ڈیندی ودی ہاں.

اڑی جنج دی تیاری کریندی ودی ہاں.

جنج تے سوٹ گلابی پیساں.

رل سکھیاں نال جھمر مریساں.

میں تِلے والی جُتی سِویندی ودی ہاں.

اڑی جنج دی تیاری کریندی ودی ہاں.

عابد چن سوہنڑا نام ادے دا.

وسیب دے وچ ہے مقام ادے دا.

اوندے ناں دیاں ویلاں ڈیندی ودی ہاں.

اڑی جنج دی تیاری کریندی ودی ہاں.

گھر تے خوشیاں دے بادل چھا گئے.

اپنڑے پرائے کِھل کِھل آ گئے.

سہرے آپ شہزادی سنڑیندی ودی ہاں.

اڑی جنج دی تیاری کریندی ودی ہاں.

میں تے سرخی سرمے گلیندی ودی ہاں.

اڑی جنج دی تیاری کریندی ودی ہاں.