ملک مشتاق دیاں لکھتاں
سرائیکی وکی پیڈیا دے مرکزی رہنما ملک مشتاق احمد ولوں نذیر لغاری دے نان٘ویں سنیہا
وزیر قانون و اوقاف عمر سومرو سے گذارش ہے کہ نماز کے سلسلے میں انگریزی، اردو، سندھی اور گجراتی کے ساتھ ساتھ سرائیکی میں بھی آگاہی مہم چلائی جائے۔ کیونکہ صوبہ سندھ کے اکثر اضلاع میں نہ صرف گھروں بازاروں اور دفتروں میں سرائیکی سمجھی اور بولی جاتی ہے۔ بلکہ سرائیکی لوک موسیقی کو بڑے شوق سے گایا سنا اور پسند کیا جاتا ہے۔ لہذا سرائیکی زبان کی مقبولیت کو اس سلسلے میں نظر انداز کرنا سرائیکی زبان کو تسلیم نہ کرنے کے مترادف ہے۔
ڈوجھی تحریر
سرائیکی وکی پیڈیا دے مرکزی رہنما ملک مشتاق احمد سولنگی دا سنہیا نگران وزیر اطلاعات مرتضیٰ سولنگی دے نان٘ویں!
جناب مرتضیٰ سولنگی صاحب وزیر اطلاعات نشریات
١. پی ٹی وی نیوز اور گلوبل پر سندھی سرائیکی اور پشتو کا وقت مقرر کریں.
٢. اے پی پی سرائیکی کا ملتان میں باقاعدہ دفتر بنائیں.
٣. اکیڈمی ادبیات ملتان کی عمارت بنائیں اور مناسب تعداد میں عملہ تعینات کریں.
٤ـ ریڈیو کی ویب سائٹ سرائیکی میں بھی بنائیں.
٥ـ ایوان خواجہ فرید قائم کریں.
٦۔ سرائیکی ڈکشنری بورڈ
٧۔ ادارہ فروغ سرائیکی
٨۔ لوک ورثہ میں سرائیکی یونٹ علیحدہ بنائیں..
٩۔ سرائیکی پریس کونسل
١٠۔ سرائیکی پریس انفارمیشن ڈیپارٹمنٹ
تریجھی تحریر
لکھت: ملک مشتاق احمد
ملتان ذیشان اے سرائیکی وسیب دی شان
جھنگ خوشاب میانوالی بکھرتےلیے دی پہچان
وادی گومل بہاولپور راجن پور تےاوچ دامانڑ
خان پور سرگودھا اوکاڑے تےساھیوال دی جان
بہاولنگر لودھراں تےپاکپتن ھن ایندی آن بان
ملتان سرائیکستان ملتان سرائیکستان
مقدس سرزمین ءملتان دی زیارت نال اساڈا ہاں تےاکھیں ڈونہیں ٹھرگن بس ہک ارمان جیہڑاملتانوں سینے سانبھ تے ول آئیوں او کیاہے ملتان وزٹ وسیب یاترہ سرائیکستان ٹرین مارچ ملتان توں پنڈی اسلام آباد تےPNCA ءچ تھیونڑالے 23ویں جھوک سرائیکی میلے تےاسلام اباد ءچ مختلف یونی دیاں سرائیکی سٹوڈنٹس کونسلیں دے ممبران تے مختلف جماعتیں تےشعبہ ہائے زندگی دے لوکیں نال میل ملاقاتیں دا کھلاڈلا سرائیکی حال حویلے ءچ لکھساں
گھروں ملتان بلکہ اسلام آباد دا پندھ کرنڑ دا میڈامقصد سیل وتفریح نہ ہا بلکہ مقصد ہا سرائیکی وکیپیڈیا دا پیغام ڈیونڑ جیندے کیتے پروفیسر پرویزقادر سئیں اسمعیل بھٹہ صہب مبشراقبال لنگاہ تے میں بلکہ سرائیکی وکیپیڈیا دی پوری ٹیم ایں وزٹ کنوں 3مہینےپہلےدی پلاننگ تےلوکیں نال رابطے ءچ ہاسے
ملتان دے سوھنڑپ کوں ڈیکھ تے بڈھڑا نینگر تےنینگر نوخیز بلکہ کھیرا بنڑویندے بلکہ میں تاں آھداں یار ملتانا توں آخری ھائیں ڈھولا تیڈے بعد قیامت اے
سرائیکی وکیپیڈیا دا پیغام
ھر ملتانی بلکہ سرائیکی دے ناں
سرائیکی وکیپیڈیا تے اپنڑے اتے اپنڑے شاہر اتے ہک آرٹیکل لازمی لکھو تےایہو پیغام اپنڑی دھی بھینڑ سمیت ہر سنگ کوں ڈئیو جے تساکوں اپنڑی ماء نال تےاوندی بولی نال محبت تے پیار ہے تاں
ہے یاکائینہ ???
skr.Wikipedia.org
چوتھی تحریر
ارشاد امین بارے سرائیکی وکی پیڈیا دے مرکزی رہنما ملک مشتاق احمد دی تحریر
بخدمت جناب جملہ اڳواݨ سرائیکی قومی تحریک صاحبان
السلام علیکم
اڄ دا ݙین٘ہ ارشاد امین سئیں دے نان٘ویں
ارشاد امین سئیں سرائیکی قومی شعوری تحریک دے کارکن، ورکر تے طالب علمیں سانگے ہک یونی ورسٹی دی مانند ہائی۔ سرائیکی قوم کوں سڄاک بݨاوݨ کیتے کہیں ویلھے مرکزی کردار ادا کریندیں ہوئیں تے کہیں ویلھے مظلوم سرائیکیں دی پارت ݙیندیں ہوئیں نظر امدے۔ اڄ اوندی آبڑگھت رحلت نال جمل جہان دے مظلوم سرائیکی مونجھے، ارمانی تے سوگ وچ ہن۔ اوندے سرائیکی قومی پورھیے کوں خراج تحسین پیش کرݨ سانگھے سرائیکی ادبی ثقافتی تے قوم پرست جماعتیں کوں تعزیتی ریفرینسز، سیمنارز، مذاکرے فکری نششتاں کرواݨیاں چاہیدے ہن، تاکہ نویں نسل حملہ آوریں دی بجائے آپݨی دھرتی دے سرائیکی ہیروز کوں آپݨاں آئیڈیل بݨاوے۔ ضیائی آمریت دے بدترین دور وچ سرائیکی قومی شعوری میلہ کراوݨ سرائیکی قومی تحریک وچ نویں روح پھوکݨ دے مترادف ثابت تھئے۔ سرائیکی قوم کوں شعوری طور تے سڄاک بݨاوݨ ارشاد امیں سئیں دا خواب ہا، ایندے کیتے اوں سرائیکی اخبار سڄاک کڈھیا۔ جیکوں پڑھ تے ڳالھے بھولے سرائیکی وی سڄاک تھی ڳئے، تے سرائیکی قومی تحریک وی فرش کنوں عرش تے پُڄ ڳئی۔
ایہ ڳالھ تخت لہور کوں نہ بھاݨی تے اوں بھاء ٻال ݙتی تے مظلوم سرائیکیاں تے ظلم دے پہاڑ تروڑ ݙتے۔ ایہ ویلھا سرائیکی قوم تے ٻہوں ٻاری ہائی، سرائیکی لوکیں دی رت نال دھرتی رتی تھی ڳئی، جیلاں، پابندیاں، تشدد سرائیکی ورکراں کوں ادھ مویا کر ݙتا، ایں ویلھے کجھ وݙے کردار دے لوک مظلوم سرائیکیں دے غمخوار بݨ تے انہاں دے ولی وارث بݨیے، جیندے وچ ارشاد امین سئیں سرفہرست ہا، جہڑا آپݨی ذات دی بجائے مجبور و محکوم اسیر سرائیکیاں دی پارت ودا ݙیندا ہا تے سرائیکیاں کوں حوصلہ ودا ݙیندا ہا۔ سرائیکی صوبے دا قیام تے سرائیکی لوکیں کوں سڄاڳ بݨاوݨ اوندا خواب ہا جیندی تکمیل کیتے اوں ہر ٻاݨ ماریے تے ایہو ݙکھ مردے ویلھے ہاں کوں لائی ڳئے۔ ارشاد امین سئیں آپݨے پورھیے کردار تے عمل نال سرائیکی ماء دھرتی ماء ٻولی تے اوندے واسییں دے حقوق سانگھے مردیں دم تائیں جو کجھ کر سڳدا ہا اوں کیتے، ہݨ اوندا پورھیا ساݙے کیتے رول ماڈل ہے۔ او چاچڑیں تے کوٹ مٹھݨ دے ادھ وچ سرائیکی لائبریری تے وساخ بݨاوݨ چاہندے ہن۔ لیکن زندگی وفا نہ کیتی ۔ لیکن یار اساں تساں تاں حالیں جیندے ودوں۔ چھڑا سرائیکی الاوݨ تے جھمریں تے زور نہ لاؤں۔ آپ وی سرائیکی لکھوں تے آپݨے ٻالیں تے سنگت کوں وی ایں پاسے لاؤں۔ کیوں جو لکھا لوہا تے الایا ڳوہا ہوندے۔ جے اساں سارے ارشاد امین کوں خراج تحسین پیش کرݨ سانگھے سرائیکی وکی پیڈیا انہاں دی سرائیکی قومی جدوجہد دے بارے وچ آپ لکھوں یا کہیں ٻئے کنوں لکھواؤں ۔ ایندے نال ارشادامین سئیں دی روح خوش تھیوݨ دے نال نال سرائیکی زبان کوں گلوبل لینگویج، خطبہ حج دی زبان تے عراق ایران شام وچ گائیڈ لائن لینگویج بݨݨ وچ مدد ملسے۔
skr.wkipedia.org
ارشاد امین سئیں دے نظریاتی کم دے ناں تے لائبریری چینل اخبار، تعلیمی ادارے، لنگر خانے تے سبیلاں بݨاتے وی انہاں دے سرائیکی قومی نظریہ کوں اجاگر کیتا ون٘ڄ سڳدے۔
میݙے دوستو!
جنیدے دا جہاں ہے، مویاں دا غُستان ہے۔
جیندے اݨ سون٘ہاں تے موئے دیاں چنگائیاں۔ ہݨ اساں ایں ریت کوں بدلوں ، جیندے نظریاتی لوکیں کوں ڈھڈھوں صاف تھی تے اپریشیٹ کروں۔ ساڑ سڑپا تے قد دے جھیڑے چھوڑوں، ہک ٻئے کوں سوبھ ݙیوں، منافقت چھوڑ تے ہک ٻئے دی دل نال عزت کروں نہ تاں پتہ وی کائناں لڳسے تے بُت وچوں پھوکا نکھتا ویسے ۔ اڄ این٘ویں سمجھو ارشاد امین دے بعد ساݙی واری ہے۔ ارشاد امین جیہے وݙے بندے دی موت تے وی اساں اڄ کٹھے نہ تھئے تاں کݙاہیں کٹھے کائناں تھی سڳسوں،
کل کل کرݨ آلے سارے ٹر ڳئے ہن۔ ہݨ تہاݙی مرضی ہے کم کل تے چھوڑو یا اڄ کنوں شروع کر گھنو
والسلام
فکر فرید دا ادنی جیہا طالب علم
ملک مشتاق احمد مرکزی رہنما سرائیکی وکی پیڈیا
فون: 03316033234، 03448599729
11 نومبر 2023ء
وݙے بندے مر نی ویندے ݙو ٻک مٹیاں پاوݨ نال
ٻلھے شاہ اساں مرݨاں ناہیں گور پیا کوئی ہور
پنجویں تحریر[لکھو | ماخذ وچ تبدیلی کرو]
اکبرخان ملکانڑی سرائیکی قومی نظریے دی نشانی بلکہ یاددھانی
سرائیکستان دی دھرتی وڈی زرخیز اے بلکہ مردم خیزاے جئیں جئیں وی سرائیکی دھرتی تےاوندیں واسیں نال وفا کیتی اے سرائیکی دھرتی وی اوندے نال مترائی دی بجائے سکی ماء آلا سلوک کیتے تےاونکوں قیامت تک امرکرچھوڑیے چاھے او نواب مظفرشہید ہووے سرورکربلائی ہووے خواجہ پیرفریدہووے فقیرابھگت ہووے چاہے او تاج لنگاہ ہووے تےبھانویں صوفی تاج گوپانگ ہووے یاحمیداصغرشاھین ہووے تے بھانویں اکبرخاں ملکانڑی ہووے
حمیداصغرشاھین ٹردا پھردا سرائیکی قومی نظریہ ہا شاھین صہب دی تربیت تے آ کے چٹے ان پڑھ وی پڑھیں لکھیں الیاں گالھیں کرنڑ پئے ویندے ہن اے ہوندی کچاری دا فیض ہا جو ہک اڈے دا ہاکر ہک کلینر ہک کنڈیکٹر سرائیکی قومی نظریے دا درس ڈیندا کھڑاہا بے شعوریں کوں سرائیکی قومی شعور کھڑا سکھلیندا ہا چھڑا دانشوریں آلیاں گالھیں نہ کرینداہا بلکہ اونداعملی حل وی ڈسیندا ہا
شاھین صہب دے جگ مشہور نظریے چلھ دی خیر تےکل دی خیر دے عملی پرچارک دا مرکزی کردار کون ہا
امید کافی اے تمہید کنوں سمجھ گئے ہوسو جیا جیا صحیح سمجھے وے میں اج گالھ کرینداپیاں مرحوم اکبر خاں ملکانڑی دی
جیہڑا آھدا ہا نو کمپرمائز آن سرائیکستان او آھداہا جیہڑا اساکوں جنوبی پنجاب آکھے اوندا وی بائیکاٹ تے جیہڑا اونہاں کوں ووٹ نوٹ تےسپورٹ کرے اوندا وی بائیکاٹ
ڈسو ہاں اج کہیں ءچ اتنی جرات جو اے گالھ کرے
سچی گالھ تاں اے ہے کہ میڈیں سرائیکی ءچ تحریراں آرٹیکلز تےپوسٹاں لکھنڑءچ وی اوں مہان دا ہتھ اے او جتھاں ملے ہا یا فون تے گالھ کرے ہا تاں ایہو کجھ اہدا توں ہرکہیں کوں سرائیکی قومی نظریے دی گالھ کریندیں تےآرٹیکلز اردو ءچ لکھدیں میکوں چنگانئیں لگدا
یارو سدھی گالھ اے اوندیاں سرائیکی پوسٹاں پڑھ پڑھ میں سرائیکی لکھنڑ سکھیاں سرائیکی قومی موومنٹ حیدرجاویدسید تے ساجدہ لنگاہ نال رل تے نیشنل سرائیکی پالٹی تےآخر تے پاکستان سرائیکی عوامی پالٹی جتھاں گئے تےجیہڑی وی پالٹی ءچ رہ گئے دھاڑ دھاڑ کیتی رہ گئے سچا تے کھرا بندہ ہا سرائیکی سرائیکی کھیڈنڑآلے بلکہ غلابی ترکاء آلے سارے اوں کنوں ایویں ڈردے ہن جینویں دیہہ کنوں ڈردن
اوسچا بندہ ہا سچی تےٹرگئے اوندیاں ساریاں پیشن گویاں سچیاں تھیندیاں ویندن
منگل آلے جیہاڑے میڈی اوندے پترسجاداکبرخاں ملکانڑی نال گالھ تھئی اے میں آکھیے یاراکبرخان ملکانڑی سرائیکی وسیب دا اثاثہ اے اوندی خواھش ھئی جو میڈی سرائیکی جدوجہد بارے سرائیکی وکیپیڈیا تے لکھیاونجے تاکہ ساری دنیا کوں پتہ لگ سکے کہ سرائیکی قومی نظریہ ہے کیا
اگرتھی سگے تاں کوئی ڈو چار پڑھاکو چھوکرے ڈئیو جینکوں میں سرائیکی وکیپیڈیا دا کم سکھاواں تےاو ولا اکبرملکانڑی تےآرٹیکل لکھے
ڈوجھا بندہ مردا راھندے انسان داکردار کڈاھیں نئیں مردا تے اکبرخاں ملکانڑی دا کردار سرائیکی قومی شعوری نظریے دا پرچار اے جیہڑا ہرسال اکبرخان ملکانڑی سرائیکی کانفرنس کروا ونڑ نال ای پورا تھی سکدے
وسدے رھو شالا
ساڈاعشق سرائیکستان