ملک ریاض قمر
اصل ناں ریاض احمد
قلمی ناں ریاض قمرؔ
جمن 1974ء
فون نمبر 03411882930
جاہ پتہ چاہ کھجی والا نذد دائرہ دین پناہ کوٹ ادو
شعری مجموعہ ’’خُمرے‘‘دے خالق ریاض قمر1974ء کوں ملک غلام حیدر دے گھر موضع ٹبہ مستقل (دائرہ دین پناہ) وچ پیدا تھئے،آپ دا تعلق معروف سیاسی خاندان ہنجرا برادری نال ہے۔قمر صاحب ’’دین پناہی ادبی ثقافتی سنگت‘‘ دے صدر ہن ۔1995ء کنوں شاکر مہروی (مرحوم)دی راہنمائی وچ اپنی شاعری دا آغاز کیتا۔اوہ آہدن تاں’’ با ادب بامراد‘‘ایں محاورے دے مصداق ریاض قمر انتہائی مؤدب ،خوش اخلاق ، ملنسار تے یاریں دا یار بیلی ہے۔جتھوں تک ریاض قمر دی شاعری دا تعلق ہے تاں اوہ اپنی شاعری وچ سرائیکی دے ٹھیٹھ الفاظ استعمال کریندے تے بہوں سارے متروک الفاظ دا وی اوہ مسیحا ہے۔تے تکرار لفظی یعنی الفاظ کوں مکرّر ،سہ مکرّر کرناں آپ دی خاص خوبی ہے۔میڈے نذدیک ریاض قمر ہک صوفی شاعر ہے ۔کیوں جو آپ دی شاعری تے معرفت دا رنگ غالب ہے اوئیں تاں ریاض قمر سرائیکی شاعری دیاں تقریباََ تمام اصناف لکھدے ۔مگر آپ دی پسندیدہ صنف ڈوہڑہ ہے،موضوعات دے حوالے نال قمر ؔدے ڈوہڑے وچ بہوں وسعت ہے۔پر محبوب دے سوا اوہ اپنے آپ کوں ادھورا سمجھدے۔جیویں جو خود آہدے۔
ع۔ہاسے دور حضور تاں لگ ہاسے،ہسّے نال تاں تھی نی لگ سگدے
(1) غزل
[لکھو | ماخذ وچ تبدیلی کرو]سدھ نئیں کتنے زخم ہے ڈیندا تیڈا ہاسہ نت دا
ساڈا جسم تاں گھٹدا ویندے ماسہ ماسہ نت دا
اج نئیں آیا کل تاں آسی ، آسی مونجھ مٹیسی
شام دے ویلے سجھ ڈے ویندے روز دلاسہ نت دا
منتاں کر کر ہنج پاگل کوں جتلا ہم سمجھایا
اوئیں ہوندے در تے نواں گھیئل گھاسہ نت دا
جھنڑک نہ تلخی نہ کئی دھکڑا کیا ہے گالھ سخی آ!
ول کیوں ویندے تیڈے در توں خالی کاسہ نت دا
اوکھے پندھ اِن پیت دے قمر ؔاوکھیاں ہن سب گالھیں
تہوں تاں مردے من دریا تے ہک ادھ پیاسہ نت دا