مصطفیٰ خادم

مصطفیٰ خادم سرائیکی شاعر ہن۔

ڄم پل

دائرہ دین پناہ (پنجاب) , پاکستان نال تعلق ہے۔

تعلیم

ناں: غلام مصطفیٰ۔۔۔۔۔۔

تخلص: خادم۔۔۔۔۔۔۔۔۔۔۔

قوم : جٹ مکول ( معروف  خادم شاہ)

والد داناں: حافظ امام بخش مکول۔۔۔

جمنڑ دی تاریخ :5 جولائ 1956ء۔۔۔۔

جمنڑ دی جاہ: دائرہ دین پناہ پچادھی

تحصیل تونسہ شریف، دیرہ غازی خان

تعلیم : بی ۔ اے۔۔۔۔۔۔

آغاز شاعری:1970۔۔۔:

استاد شاعری:غلام محمد شاکرتونسوی

پیشہ : پنشنر نادرا۔۔۔۔

پُتریں دے ناں:غلام مرتضیٰ خادم،عزادار حسین خادم، غلام مجتبیٰ خادم ،زوار حسین خادم

فون نمبر: 03458747092

ایوارڈز:

تاج پوشی، سوجھل سوبھ ایوارڈ،احمد خان طارق ایوارڈ، عزیز شاھد ایوارڈ،بۓ وی ڈھیر سارے ایوارڈز۔

اعزاز: کلام ایف۔ اے (سرائیکی پرچہ )دے نصاب وچ شامل ہے

معروف شاگرد: فریاد ہیروی( صدارتی ایوارڈ یافتہ)،مومن مولائ( بھکر)،پارس شاہ بخاری،یوسف سنجرانی،اخلاق لغاری،لطیف شاد، حبیب مظہر، جاوید باقی،مجید سانول،بۓ وی ڈھیر سارے۔

کتاباں

• لوآر لہجے ڈیرہ غازی خان، دبستان سحر، 1996ء،
• پارت ،ڈیرہ غازی خان، دبستان سحر، 1993ء، (سرائیکی شاعری)

نمونہ کلام

شعر

ساہ ہُن سینہ سُودھ نکلدے

چُپ دے جندرے کہیں نئیں کھولئیے

ݙوہڑہ

تیݙی دید عبادت اکھیاں دی معراج دا سݙ پیغام تیݙا
تیݙا ذکر زبان دی زینت ہے تہوں وِرد بݨائے می نام تیݙا

میݙے جذبے ہن جاڳیر تیݙی میں خادم ہاں بے دام تیݙا

میکوں خواب اچ ملݨ نہ آیا کر نہ خرچ تھیوے آرام تیݙا

ݙوہڑہ

کوئی سُدھ نی سِک دے سفریں وچ کِتھ بھوڑیے ہیں کِتھ بُھل ڳئے ہیں

لاؤں زور جتی نی کِھل آندی وت رووݨ تے کیوں تُل ڳئے ہیں

ہتھ واڳ ہاسے جیں حاتم دے اوں ہتھ چھوڑیے اساں رُل ڳئے ہی

اوندا رُخ تبدیل جو تھئے خادم بے سمت مسافر ہُل ڳئے ہیں

ݙوہڑہ

میݙی آس اُمـید اُمنـگ اَݨ پَھـر ، پامـال تَھـئی

تُوں چُپ رہ ڳئیں

بے موسمی مَوت تے رو روکے اَکھ لال تَھئی

تُوں چُپ رہ ڳئیں

تیݙی دِید کِیتے بے دِید نَظر ، بےحال تَھئی

تُوں چُپ رہ ڳئیں

افسوس اے حالت خـادِم دی تیݙے نال تَھئی

تُوں چُپ رہ ڳئیں

منتخب اشعار:۔۔۔۔۔۔۔۔

ہتھ قلم تھۓ تاں خادم خدا جی چھُڑاۓ۔۔۔!

جی حضوری کنوں ست سلامیں کنوں ۔۔۔۔!

بدلدن راہ سبھے دریا تیڈی اکھ دے اشارے تے

جے ہمت ہئ میڈی اکھ توں نکلدانیر جھل کوئ

سچ الاونڑ دے عیوض ملے جے قدر۔۔۔۔۔!

دار بہتر ہے سارے مقامیں کنوں۔۔۔۔۔۔۔۔!

سر اپنے چٹے وال نظر آئن تاں سوچم۔۔۔۔

لاریب سیاہ رات دا انجام سحر ہے۔۔۔۔۔۔!

اے وی  خادم بہوں ہے اپڑیں بعد میں ۔

سوچ نویں ڈے ونجاں اولاد کوں۔۔۔۔۔۔۔!

کتاباں

• پارت ( جنوری 1993ء)۔۔۔۔

• لوءار لہجے( اپریل 1996ء)

• پنج کنی ( نومبر1996ء)۔۔۔

• بھانج( جنوری 2009ء)۔۔۔

• پورھیا( جنوری2010ء۔)....

• مصطفی خادم دے ڈوھڑے

• پناکی۔( ذکر محمد وآل محمد)

انہاں ڈو کتاباں وچ ڈوھڑے تے قطعات شامل ہن

• ڋوہڑے دے بادشاہ( مرتب: احسان اعوان)

• پیت دے پاندھی( مرتب : احسان اعوان)

مصطفی خادم سئیں دا کلام عطاءاللہ خان عیسی خیلوی، منصور  علی ملنگی،امجد نواز کارلو،عبدالسلام ساغر،فاروق محرم،شاہین، عنصر کھچی،فرقت سوکڑی ( خادم سئیں دا شاگرد )تے بۓ  ڈھیر سارےفنکاراں گایاۓ۔

عطاءاللہ خان عیسی خیلوی • “ڈوھڑے دے بادشاہ “وچوں احمد خان طارق، مصطفی خادم، شاکر شجاع آبادی تے امان اللہ ارشد داکلام گایا ہے۔۔۔۔۔