مشتاق بھٹی

مشتاق بھٹی سرائیکی دانشور ہے۔ سرائیکی شاعر، ماہر آثار قدیمہ، مؤرخ تے کلجگ گپت ہے۔

نمونہ کلام

اونکوں آکھ ݙینویں میں ول ولساں

نویں جنم دے وچ نویں جوݨدے وچ

میں الکے وپرے وچ

ہوساں تیݙی سوچ دے وچ

تیݙے چنتے وچ

تیݙے ہوش دے وچ

تیݙے وار دے وچ

تیݙے ویر دے وچ

جݙاں اکے نہ جݙاں چکے نہ اے دھک تیݙا

توں سمجھ گھنیں

ݙینداں اٹکلاں ہاں پیا

گر ݙیندا چڑویٹ تیݙی

تیݙے جوش دے وچ

میکوں جاݨ سنجاݨ گھنیں

واسو تیکوں مشکل نہ کئ پیش اوسے

مشتاق نشانی نال ہوسی

اوندے ہتھ مرلی ترشول ہوسے

جے دل نال یاد کیتو

میکوں ہر آسݨ ساسنگ وچ

ہرمچ اتے مشتاق تیݙے بیٹھا کول ہوسے

ہر پرکھ مقام اتے پرکھیں مشتاق تیݙا انمول ہوسے۔

ݙوہڑے

گالھئیں کیتے کِھل تھی گے

تارئیں کیتے جِھل مِل تھی گے

چھوڑ ڈتے نِس مسجد مندر کیا اتنا او عاقل تھی گے

پتھر لوک مریندے پے نس کیا اتنا او کامل تھی گے

چ کیا تھے سوچ سمندر دے وچ گالھا وی ہک شامل تھی گے

ویدیں کیا اسرار ڈٹھا جو پاک پوتر پپل تھی گے

جنگل دا قنون بنڑنئے جیں عادلیں کیتے عادل تھی گے

وشنو جینکوں ہاں نال لاتا وشنو دا او قاتل تھی گے

ہے دھرتی تریہہ دے ہوٹے مردی سمندر وی ہنڑکاہل تھی گے

کھول مشتاق حقیقت اوندی لیکھا جیندا باطل تھی گے

یار

ساڈا من ماندا ہے یار نیں بھال بھلیندا یار

توں شاہ رگ جلدی کپ گھن نہ ہتھ رکھ ہولا یار

ساڈے ساہ ہن جیکزڑی باقی نہ تھی توں پہولا یار

تیڈے گھر ککھیں دے رویندن اوندے ہتھ ٹانڈا ہے یار

تو ست جگی دراوڑ تیڈاپھولیم پھولا یار

میکوں ڈیکھ ہے پورا آگیا تیڈا لاتھا چولا یار

مشتاق دے کیتے توں تاں ہاں ,ٹھار ہیں جھولا یار

وفات

٨ اپریل ٢٠٢١ء خمیس دے ݙین٘ہ کوں سکھر وچ فوت تھئے۔