مشتاق آویز

اصل ناں       محمد مشتاق

تخلص         آویزؔ

جٖمنْ           1995ء

تعلیم           ایم اے (اسلامیات)

پیشہ            حوالدار(کے پی کے پولیس)

فون نمبر        0345 9013404

جاہ پتہ         گرہ ڈیال ضلع ٹانک

غزل

ایں چڑھدی ہوئی جوانی وچ جگارے رول ڈٖیندے ہن

نہ بنْ تاراں دا سونہاں چن اے تارے رول ڈٖیندے ہن

جیندے نکھڑنْ تے زندگی ہک اندھاری رات ڈٖسدی ہے

چِٹے ڈٖینہ کوں اے زندگی دے اندھارے رول ڈٖیندے ہن

خودی رکھ برقرار اپنْی ، توں ٹُر اپنْے ای پیراں تے

نہ گھن کہیں دے سہارے توں ، سہارے رول ڈٖیندے ہن

کدی اُٹھدی ، کدی جھکدی اے عادت ہے محض اکھ دی

اِشاراں تے نہ بھُل پوویں ، اِشارے رول ڈٖیندے ہن

مناونْ اوکھ ہوندا ہے ، نِبھاونْ اوکھ ہوندا ہے

نہ چا آویزؔ قسماں توں ، سپارے رول ڈٖیندے ہن