مسرت کلانچوی

وکیپیڈیا توں

مسرت کلانچوی سرائیکی زبان دی افسانہ نگار ہے. سرائیکی لکھاری پروفیسر دلشاد کلانچوی دی دھی ہے۔

مسرت کلانچوی
فائل:Musarat Kalanchvi.jpeg
ڄم پل: بہاولپور
جمݨ ݙیہاڑہ ١٠ نومبر 1956ء
کم : پروفیسر، ڈرامہ نگار، افسانہ نگار

ڄم پل[لکھو | ماخذ وچ تبدیلی کرو]

ݙہ نومبر 1956ء کوں ڄمی۔ ابتدائی تعلیم گورنمنٹ گرلز ہائی سکول بہاول پور توں گھدی، انٹر تے گریجویشن گورنمنٹ کالج برائے خواتین بہاول پور توں کیتا، اسلامیہ یونی ورسٹی بہاولپور توں تاریخ وچ ایم اے کیتا۔

پیشہ[لکھو | ماخذ وچ تبدیلی کرو]

کجھ عرصہ صادق پبلک سکول بہاولپور وچ بطور استاد پڑھایا۔ ایں توں بعد پبلک سروس کمیشن دا امتحان پاس کرتے گرلز کالج حاصل پور وچ لیکچرار تعینات تھیاں۔ انھاں دے والد پروفیسر دلشاد کلانچوی سرائیکی زبان تے ادب دے دانشور ہن۔ جیں کارݨ انھاں کوں آپݨی ماٻولی وچ لکھݨ تے پڑھݨ دا ماحول گھروں ملیا۔

انھاں کافی عرصہ ریڈیو پاکستان بہاول پور وچ بطور اناؤنسر کم کیتا۔ تے ایہا انھاں دی شہرت دی پہلی پوڑی ہائی۔

ول پاکستان ٹیلی ویژن نال جُڑ ڳیاں جتھوں اُنھاں دے ٻہوں سارے سرائیکی اردو تے پنجابی ڈرامے نشر تھیندے پئے ہن۔ انھاں دے ڈرامیاں دی کامیابی تے مقبولیت ݙین٘ہو ݙین٘ہ انھاں دی شہرت وچ ودھارا کریندی پئی ہے۔

اڄکل او لہور دے ہک کالج توں ریٹائر ہن۔

لکھتاں دا سنیہا[لکھو | ماخذ وچ تبدیلی کرو]

وسیب نال گھاٹے پیار پاروں انھاں دیاں کہاݨیاں دا آپݨے وسیب نال ٻہوں ڳوڑھا ڳان٘ڈھا سان٘گا ہے۔ انھاں وسیب وچ تھیوݨ آلے ظلم، استحصال، جبر، غربت، بُکھ، تریْہ کوں شدت نال محسوس کیتا تے آپݨے چودھار تھیوݨ آلے واقعات تے حالات کوں لوکیں تائیں اپڑایا۔ مسرت کلان٘چوی کوں ایہ اعزاز حاصل ہے جو انھاں دے افسانیں دا مجموعہ "اُچی دھرتی جھکا اسمان" سرائیکی دا پہلا افسانوی مجموعہ ہے۔

کتاباں[لکھو | ماخذ وچ تبدیلی کرو]

  • اچی دھرتی جھکا اسمان (افسانے)
  • ڈکھن کنیں دیاں والیاں (افسانے)
  • تھل مارو دا پینڈا (افسانے) ٢٠٠٥ء
  • وݙیاں دا آدر (طویل کہانی)
  • مکی مدنی (سیرت)
  • حضورؐ کا بچپن اور لڑکپن
  • سنجھ صباحیں (ڈرامے)