مرکز المملکہ

مركز المملکہ یا کنگڈم سینٹرسعودی عرب دے دار الحکومت ریاض وچ واقع ملک دی بلند ترین عمارت ہے جینکوں دنیا دی خوبصورت ترین عمارتاں وچوں ہک شمار کیتا ویندے۔ 302 میٹر (992 فٹ) بلند ایہ عمارت دنیا دی بلند ترین عمارات دی فہرست وچ 25 ویں نمبر تے ہے۔ برج 94 ہزار 230 مربع میٹر جبکہ کل عمارت 3 لاکھ مربع میٹر تے پھیلی ہوئی ہے۔ مركز المملکہ سعودی شہزادے الولید بن طلال بن عبد العزیز السعود دی ملکیت ہے۔ ایں منصوبے تے کل 1.717 ارب سعودی ریال دی لاڳت آئی۔ برج دا سنگ بنیاد 1999ء وچ رکھا ڳیا تے 2002ء وچ پایہ تکمیل تے پہنچا۔ برج شہر دے مرکز وچ شاہراہ شاہ فہد تے کوچہ العروبہ دے درمیان ریاض دے ابھردے ہوئے کاروباری مرکز اولایا وچ واقع ہے۔

مركز المملکہ 2002ء وچ ایمپورس اسکائی اسکریپر ایوارڈ جیت چکا ہے جیندے وچ ایندے منفرد تے دلکش ڈیزائن کوں سراہا ڳیا۔ عمارت وچ دفاتر ٹے خریداری دے مراکز دے علاوہ ہوٹل تے رہائشی اپارٹمنٹ وی واقع ہن۔ ایندے وچ واقع مسجد دنیا دی بلند ترین مسجد وی واقع ہے جبکہ ایندی ہک تے خصوصیت اوں چھت دے ݙوہاں سراں دے درمیان واقع پل ہے جتھوں پورے ریاض دا دلکش نظارہ ݙکھیج سڳیندے۔