محمد علی کاظمی
اصل ناں محمد علی
قلمی ناں محمد علی کاظمیؔ
جٖمنْ 1994ء
تعلیم ایم اے (اردو)ایم فل جاری
پیشہ طالب علم
فون نمبر 0346 3520978
جاہ پتہ کوٹلہ سیدان ڈیرہ اسماعیل خان
محمد علی کاظمیؔ ڈیرہ اسماعیل خان دا ابھردا ہویا نوجوان شاعر ہے ، بٖہوں سوہنْی غزل لکھدے۔ جے مشقِ سخن ایویں جاری رہی تاں بٖہوں جلد وڈٖے شعراء دی صف اچ شامل تھی ویسی۔ انشاء اللہ ۔ نمونہ کلام۔
غزل
[لکھو | ماخذ وچ تبدیلی کرو]ہک نظر دا کمال کیتی ونجٖ
دل دی کوئی تاں گٖالھ کیتی ونجٖ
اساں ٹکڑے ولا مِلا گھنسوں
دل کوں تاں پائمال کیتی ونجٖ
دل دی چوکھٹ تے آگٖئیں تاں سُنْ
ویندے ویندے سوال کیتی ونجٖ
ہجر کوں ڈٖسکیاں دا صدقہ ڈٖے
اپنْے غم کوں حلال کیتی ونجٖ
دل دی حسرت نہ رہ ونجٖے دل وچ
چپ نہ بٖہہ دل دی گٖالھ کیتی ونجٖ
راہ تے پوسی تریڑھ ڈٖکھاں دی
اوندے زلفاں دی شال کیتی ونجٖ
٭٭٭