محمد حنیف ساقی
اصل ناں محمد حنیف
تخلص ساقی
جٖمنْ 1995ء
تعلیم مڈل
پیشہ زرگر
فون نمبر 0346 7044387
جاہ پتہ اندرون چوطاقہ گیٹ ،صرافہ بازار شجاع آباد
غزل
[لکھو | ماخذ وچ تبدیلی کرو]او بٖولئے نہ میں کجھ آکھئے
پچھو تاں سہی کَیں کجھ آکھئے
اوندے ناں دے مہنْے سہنداں
چپ کر بٖیٹھاں جَیں کجھ آکھئے
موسم نال مزاج وگٖڑ گٖئے
یا ول شوخ ہوائیں کجھ آکھئے
نال جنہاں دے ٹُردا ہاویں
لگٖدے شیت اُنھائیں کجھ آکھئے
سُتّیں ہوئیں جو ڈٖر ویندا ہاں
شاید ڈھیر بلائیں کجھ آکھئے
مدتاں بعد الا سُنْ ساقیؔ
دل آہدے جو تَیں کجھ آکھئے