Jump to content

محمد بن سیرین

وکیپیڈیا توں

آپ دا ناں محمد، کنیت ابو بکر تے والد دا ناں سیرین ہئی ۔ابن سیرین دے ناں نال معروف ہن.

نسب[لکھو | ماخذ وچ تبدیلی کرو]

آپ دا نسب ایویں ہے :ابو بکر محمد بن ابی عمر سیرین الانصاری بن البصری [١] آپ خادم محمد رسول اللہؐ انس بن مالک دے آزاد کردہ غلام ہن۔ آپ دے والد سیرین جرجرایا (عراق ) دے باشندے ہن۔ فن تعبیر خواب دے بہت ماہر ہن۔

ولادت تے وفات[لکھو | ماخذ وچ تبدیلی کرو]

آپ دی پیدائش بصرہ وچ تھئی اس بارے وچ انس بن سیرین آہدے ہن کہ عثمان غنی دی خلافت دے ݙو سال رہندے ہن جیہرلے میݙے بھائی محمد پیدا تھئے تے میں انہاں توں ہک سال چھوٹا ہاں۔[٢] وفات 110ھ وچ بصرہ وچ تھئی.

شیوخ[لکھو | ماخذ وچ تبدیلی کرو]

ابن سیرین، انس دے تربیت یافتہ ابو ہریرہ دے شاگرد تے حسن بصری دے ہم نشین ہن جنہاں وچوں ہر ہک حدیث دا رکن اعظم ہئی۔ انہاں تریہے بزرگاں دے علاوہ انہاں نے اس دا علم مختلف صحابہ توں گھدا جنہاں وچ زید بن ثابت، عمران بن حصین، ابن عباس، ابن عمر تے دیگر صحابہ توں حدیث سݨی۔ انہاں بزرگاں دے فیض نے انہاں کوں علم حدیث دا دریا بݨا ݙتا ہئی۔ ابن سعد، حافظ ذہبی، امام نووی تے ابن حجر انہاں کوں امام الحدیث لکھدے ہن۔[٣]

آپ ہک لمبے عرصے تک انس بن مالک دے منشی تے زیر تربیت رہے۔ انس بن مالک دے علاوہ اکابر صحابہ وچ انہں نے ابو ہریرہ دی زیادہ صحبت چاتی ہئی تے انہاں دے اصحاب وچ انہاں دا شمار تھیندا ہے۔ پارچہ فروش ہن تے فقہ دی تعلیم وی حاصل کریندے رہے.

حوالے[لکھو | ماخذ وچ تبدیلی کرو]

  1. (تہذیب التہذیب ابن حجر عسقلانی جلد 2صفحہ 85)
  2. (تذکرۃ الحفاظ جلد 1صفحہ80)
  3. تذکرۃ الحفاظ جلد 1صفحہ 80