محبتیں بھریا فرھاد فریدی

محبتیں بھریا فرہاد فریدی

محبت انسان دے ہر سوہنے جذبے دی بنیاد اے ۔ محبتاں دی ایں ست رنگی پینگھ دے وچ، اپنے وسیب ، اپنی زبان تے اپنے لوکیں نال محبت سب کنوں زیادہ سوہنی شے ہے۔ ایں محبت دی انگل پکڑ تے اپنے فن دی دنیا وچ اپنی زبان نال محبت نبھیندا ہویا میڈا نکا بھرا ، رسمی تعلیم وچ میڈا شاگرد تے نویکلے رنگ دا شاعر  فرہاد فریدی ایں کتاب دے ذریعے سرائیکی زبان دی جھولی وچ ہک نواں لعل رکھیندا ہویا نظر آندے۔ مطلب اردو آزاد نظمیں کوں سرائیکی آزاد نظمیں وچ ترجمہ کرن کوئی سوکھا کم کینی مگر فرہاد فریدی نیں اپنی ماء بولی سرائیکی دی محبت وچ اے منزل وی سر کیتی اے ۔ فنی فکری سارے تقاضے پورے کریندیں ہوئیں فرہاد اے منظوم ترجمہ پیش کر تے سرائیکی زبان دی خدمت وچ اپنا حصہ پاتے۔

اللّٰہ پاک مزید علم، عزت تے ترقی نصیب کرے ، آمین ۔

دعا گو

شہباز نیّر