مجاز مرسل
ایہ علم بیان دی ہک اہم قسم ہے۔ ڄݙاں لفظ آپݨے حقیقی معنی دی بجائے مجازی معنیاں وچ ایں طرحاں ورتیا ون٘ڄے جو ایندے حقیقی تے مجازی معنیاں وچ تشبیہ دا تعلق نہ ہووے۔ بلکہ کوئی ٻیا تعلق پاتا ون٘ڄے تاں ایں کوں مجاز مرسل آہدے ہن۔استعارہ وچ وی لفظ حقیقی معنیاں وچ استعمال کائنی تھیندے، لیکن انھاں وچ تشبیہ دا تعلق ہوندے۔ پر جاز مرسل وچ کوئی ٻیا تعلق ہوندے،
- او ݙو گلاس پی ڳیا۔ گلاس توں مراد گلاس وچ بھریا ہویا پاݨی یا شربت ہے۔ ایں جملے وچ گلاس کوں مجاز مرسل آکھسوں۔
مجازمرسل دیاں چھی قسماں زیادہ ورتیاں ویندیاں ہن:
- جزو ٻول تے کُل مراد گھنݨ
- کُل ٻول تے جزو مراد گھنݨ
- سبب ٻول تے مسبب مراد گھنݨ
- مسبب ٻول تے سبب مراد گھنݨ
- مظروف ٻول تے ظرف مراد گھنݨ
- ظرف ٻول تے مظروف مراد گھنݨ