ماݨہ احمداݨی
ماݨہ احمداݨی توں ہجرت کرݨ آلے ہندو خاندان دے فرد تیج بھن مرگ دے میسج ملنڑ تے صغیر احمداݨی دی نظم
ماݨے خان نے آن وسایا نہر کنارے ماݨہ
مختلف ول قوماں آیاں کرݨ اتھ ٹکاݨہ
ماݨہ شہر ہا ماݨ اساڋا ماݨہ ساڋی شان
ہندو مسلم رل آہدے ہن ماݨہ من کوں بھاݨہ
پاکستان بنڑنڑ دےویلھے نہ ہندو شہر چھڑیندے
اوں ویلھے تاں ہندو مسلم ڈاڈھا ہا یارانہ
ساڈا ماݨہ پیارا ماݨہ ہندو اتھ وی یاد کریندن
ساڈے وڋکے یاد کریندے ہن او وقت پراݨہ
اپڑیں سنگت یاد کریندے ڋوہیں اے ھئیں آھدے
ہکے شہر اچ رہندے ہاسے تھی ڳیوں کانو کانہ
اپڑیں وڋکیں دی سنگت صغیر ٹریسی ان شاء اللہ
تیج مرگ دا میسج ساڈے ملنڑ دا ھک بہانہ