لوݙی
لوݙی اُٹھوالاں دی مَستی دا رِدھم اے ـ اُٹھوال پلاݨ تےٻیٹھی
جاہ واری واری ڳاندِن ـ شادی خُشی تے اے اُٹھاں توں لہہ
کے زمین تے آویندی اے،تے سَو ݙُو سَو بندے دی جُھمر
بَݨ ویندی اے ـ ٻول٩٠ سالا بزرگ کھنے لِشاری دان کِیتن
شُکریہ:ـ مَزار خان لِشاری
لوݙی لوݙی آ کھی ہئی بھئی،لوݙی لوݙی آ کھی ہئی
لوݙی دے وِچ تُھماں وے
تَیݙی ساݙی یاری دیاں،کوئی پئے ڳئیاں نی دُھماں وے
لوݙی لُݙ بلوچا یار٠٠ہاہا، لوݙی لُݙ ٠٠٠٠٠اللہ ٻیلی یار دا
لوݙی لوݙی لوݙی وے٠٠٠٠٠٠لوݙی لوݙی لوݙی وے
لوݙی دے وِچ بھنگ وے ، آئی ھے ویہڑے لنگھ وے
اُوہا ساݙی منگ وے
لوݙی لُݙ بلوچا یار٠٠ہاہا ٠لوݙی٠٠٠٠٠اللہ ٻیلی یار دا
ـ ڳاں ݙُوہاوݨ میں آیاں٠٠٠ڳاں ݙوہاوݨ میں آیاں وے
کوئی چولا میݙا چِھیٹ دا،ڄو تھیا ای رَتورَت وے
لوݙی لُݙ بلوچا یار٠٠٠٠٠٠٠٠٠٠٠اللہ ٻیلی یار دا
لَݙا گَلا وَیندڑا وے٠٠٠٠٠٠٠٠٠٠لَݙا گَلا وَیندڑا
موہری اُٹھ تے کَھنڈ وو
میں تیݙی فقیرنی تے، تُوں میݙا مَلنگ وو
لوݙی لُݙ بلوچا یار٠٠٠ہاہا،لوݙی٠٠٠اللہ ٻیلی یار دا
اُٹھ کچاوے رنگلے وو، اُٹھ کچاوے رنگلے
پِیڑھے لال و لال وو
چَڑھ ٻہہ میݙے مارھے تے ، پُچیساں دِیگر نال وو
لوݙی لُݙ بلوچا یار،ہاہا٠٠لوݙی٠٠٠٠اللہ ٻیلی یار دا
وَڳ چِھڑا بلوچاں دا وو ، وَڳ چِھڑا بلوچاں دا
کوئی ھَن لمے دے لوک وے
سَڄݨاں دے سنیہڑے ݙیوݨ،وَیساں نَویں کوٹ وے
لوݙی لُݙ بلوچا یار، ہاہا٠٠ لوݙی٠٠٠اللہ ٻیلی یار دا
تھل دے ݙیہلے پکے نی،تھل دے ݙیہلے پکے نی
چَنہاں دی پکی پِنڈ وو یار
پَئے تاں مویا گھولیا چایا ، جِیوے یار دی جِند وو یار
لوݙی لُݙ بلوچا یار٠٠ہاہا ، لوݙی٠٠٠اللہ ٻیلی یار دا
اُݙ وَنڄ ڳیرا ٻیر تُوں ، اُݙ وَنڄ ڳیرا ٻیر تُوں
کوئی گِھن کچھی دی لام وے
نَنڈھی دے سنیہڑے آئے نی ، وَݙی دے سلام وے
لوݙی لُݙ بلوچا یار٠٠٠٠لوݙی٠٠٠٠٠اللہ ٻیلی یار دا
اُچا پِپل جھاترا وو ، اُچا پِپل جھاترا
کوئی ہیـٹھ قصائی دا کھوڑ وے
ناں میں تیݙی سینگی آں ، ناں میں تیݙا جوڑ وے
لوݙی لُݙ بلوچا یار٠٠ہاہا ، لوݙی٠٠٠اللہ ٻیلی یار دا