لوک جُھمِّر

لوک جُھمِّر (انگریزی: Folk dance) جُھمِّر دی اُوہ ونکی ہِے جین٘دے وِچ کہِیں خاص علاقے یا قبیلے دی رِیت دی عکاسی تِھین٘دی ہِے۔ اِیں نِھیں جو سبھے قبائلی جُھمراں لوک جُھمِّر دے زُمرے وِچ آن٘دے ہووِن۔ مثلًا رِیتی جُھمِّر، لوک جُھمِّر دی ونکی وِچ شامل کائے نِیں۔ رِیتی جُھمِّڑ کُوں عام طور تے مذہبی جُھمِّر آکھیا وین٘دا ہِے جاں جو اِین٘دا ہِک خاص مقصد ہِے۔ جاں جو اِیں جُھمِّر وِچ ڄیکر ثقافت دا عکس ہووے تاں اِیکُوں نسلی یا رِیتی جُھمِّر آکھیا وین٘دا ہِے۔ اِیں تعلّق نال سبّھے لوک جُھمراں نسلی جُھمراں اَکھوِین٘دیاں ہِن۔ کُجھ جُھمراں نسلی حدود بلکہ لوک حدّاں تُوں نِکل وین٘دیاں ہِن۔ جین٘ویں: پولکا، اِیہو جئیں صورت وِچ نسلی خصوصیتاں کُوں ڳِݨݨ ٻہوں سَوکھا تِھی وین٘دا ہِے اَتے اِیکُوں نسلی جُھمِّر وِی آکھیا وین٘دا ہِے۔

پِچھوکڑ حال[لکھو | ماخذ وچ تبدیلی کرو]

لوک جُھمِّر وِچ تَلّے ݙِتّے ڳئے سبّھے یا کُجھ خاصیتاں ہون٘دیاں ہِن:

سبّھے جُھمّر مارݨ آلے کہِیں تربیّت توں اَنج کہِیں وی سماجی تقریب دے موقع تے کٹّھے تِھین٘دے ہِن اَتے روایتی موسیقی اُتے نَچدے ہِن۔
جُھمر مارݨ آلے عام طور تے کہِیں سٹیج تے نئیں وین٘دے جاں جو بعد وِچ اُنّھاں کُوں کہِیں سٹیج یا کہِیں خاص پروگرام وِچ سَݙّا ون٘ڄ سڳین٘دا ہِے۔
لوک جُھمّر وِچ کوئی نواں بدلاوا یا تخلیق نئیں ہون٘دی جاں جو اِنّھاں وِچ اَنج اَنج بین الاقوامی ثقافت دی جھلک ݙکھالی ݙین٘دی ہِے۔
نویں جُھمّر مارݨ آلے ٻِنّھاں کُوں ݙیکھ تے سِکّھ وین٘دے ہِن اَتے اُنّھاں کُوں کوئی رسمی تربیّت دی لوڑ نئیں ہون٘دی۔