قیصر نیرو
نیرو سلطنت روم دا شہنشاہ ہئی۔ نیرو وی حادثاتی طور تے تخت نشیں تھیا۔ اے شہنشاہ کلاڈیس دا بھتریجا ہئی ہیں نے بھتریجے کوں جانشین مقرر کیتا۔ نیرو 15 دسمبر 37ء کوں پیدا تھیا۔ 54ء توں 68ء تک روم دے سیاہ و سفید دا مالک ریہا۔ مورخ فیصلہ نی کر سڳدے کہ اس دے سیاہ کارنامے زیادہ ہن یا سفید۔ نیرو ظلم سفاکی تے بے حسی وچ شہرت رکھدا ہئی۔
نیرو نے اپݨی ماں‘ ݙو بیویاں تے اپݨے محسن کلاڈیس دے پتر کوں قتل کرایا۔ 19 جولائی 64ء وچ روم بھاہ دی لپیٹ وچ آیا ہئی۔ خوفناک بھا 5 ݙینہہ تک بھڑکدی رہی 14 اضلاع وچوں 4 سڑ کر کولا تے ست بری طرح متاثر تھئے۔ ہک روایت دے مطابق جݙݨ بھا روم دے در و دیوار کوں بھسم کریندی پئی ہئی اس وقت نیرو ہک پہاڑی تے بیٹھا بانسری وڄا کے اس نظارے توں لطف اندوز تھیندا ریہا ۔ اے وی آکھا ویندا ہے کہ بھا اس دے حکم نال ہی لائی گئی ہئی۔ تاہم مورخ ٹیسی ٹس دے مطابق (اس واقعہ دے وقت اس دی عمر نو سال تھی)۔ جݙݨ روم شعلیاں دی لپیٹ وچ ہئی، نیرو روم وچ نہ ہئی بلکہ اتھوں 39 میل دور اینٹیم وچ ہئی.
اس واپسی تے ذاتی خزانے نال متاثرین دی بحالی دے کارروائیاں شروع کیتیاں تے اپݨا محل بے گھر تھیوݨ والیاں کیتے کھول ݙتا۔ اس روم کوں نویں سروں وسایا، خوبصورت عمارتاں تے کشادہ سڑکاں تعمیر کرائیاں۔ بھاہ لاوݨ دے الزام وچ اس بے شمار عیسائیاں کوں قتل کرا ݙتا۔ 68ء وچ فوج نے بغاوت کر ݙتی تاں نیرو ملک توں بھڄ نکلا۔ سینٹ نے نیرو کوں موت دی سزا سݨائی لیکن اس پھانسی توں قبل صرف 31 سال دی عمر وچ 68ء وچ خود کشی کر گھدی۔
