قمبر ناز

اعجاز قمبر ناز سرائیکی زبان دا شاعر ہے۔ یکم اپریل ١٩٩٤ وچ ڄمیا ہے۔

کتاباں

اساں عید دے ݙینھ ٻہہ حال ونڄائے تائیں شکل سنواری ݙیکھ تاں سہی

تیݙی مونجھ ھــے ݙھول رُویندی رَہی ساݙے ڳل دی ڳاری ݙیکھ تاں سہی

توں خوش ہیں ٻہہ ٻہوں سینڳیں وِچ اساں مونجھے زاری ݙیکھ تاں سہی

تیݙے پیار اِچ قـــمـبر وِکدیں ہوئیں ٻیٹھوں سٻ کجھ ھــاری ݙیکھ تاں سہی.

(٢)

اڄ عید ہــے ویڑھے چن آسی میکوں تانگھ تنگھیندیں ݙینھ لہہ ڳے.

لا دیداں یار دے رستے دو اج دید بھنویندیں ݙینھ لہہ ڳے

اج دِل وِچ ڈھیر دلیلاں پا میکوں یار سُوچیندیں ݙینھ لہہ ڳے

اِیں عید تے قــمـبر نی آیا میکوں دِل وِندلیندیں ݙینھ لہہ ڳے