قربت دا ساک
قُربت دا ساک / رشتہ (انگریزی: Intimate Relationship) ہِک لوکاں دا آپت وِچ رشتہ ہِے جین٘دے وِچ جسمانی یا جذباتی قربت شامل تِھی سڳدی ہِے۔[١] ڄاں جو قربت دے ساک نال اکثر جنسی تعلّق مراد ہون٘دا ہِے۔[٢] ڄاں جو اِیہ تعلق کئی غیر جنسی وِی تھی سڳدا ہِے، اِین٘دے وِچ ٹَٻَّڑ، بیادری، ٻیلی اَتے ملاقات شامل تِھی سڳدے ہِن۔ [٣]
قربت[لکھو | ماخذ وچ تبدیلی کرو]
مہان٘دریاں دی رائے وِچ قربت جنسی تعلق تُوں ٻہوں وَدھ کَٹّھے پَن دے احساس دا اشارہ ݙین٘دا ہِے۔ ٻیلی دے رشتے بھان٘ویں اُوہ مرد ہووے یا تِرِیمت، اِین٘دے وِچ ہمیشاں تازگی ہووݨی چاہِیدی ہِے اِین٘دے کِیتے اِیہ ضروری کائے نِھیں جو ویلا نال سَمَّݨ کِیتے لنگھایا ون٘ڄے۔ آپݨے حیاتی ٻیلی دے نال تباخ خانہ وِچ مدد کرا سڳدے ہِن، گھر دے کَمّاں وِچ ٻیلی بݨ سڳدے ہِن۔ ٹی وی ریموٹ کِیتے لرݨ دی جاء تے آپ اُنّھاں دے نال مَن بھان٘دے دماغی کھیݙ کھیݙ سڳدے ہِن۔ اِین٘ویں اِی نِکّی نِکّی کوشِتاں رشتے کُوں ہَولے ہَولے ٻہوں تَکڑا بݨا ݙین٘دیاں ہِن۔ اِیں تحقیق دے مطابق اُوہ جوڑے جیڑھے آپت وِچ بورڈ گیماں یا مصوری دی کلاساں گِھندے ہَن، اُنّھاں دے جُسّے وِچ آکسیٹوسن ناں دا ہِک ہارمون وَدھ بݨدا ہئی۔ آکسیٹوسن کُوں پِرِیت دا ہارمون آکھیا وین٘دا ہِے۔ اِین٘ویں کرݨ آلے جوڑیاں دا ساک ٻہوں تَکڑا سمجھیا وین٘دا ہِے۔ [٤]