قدرت

قدرت دا مطلب اے طاقت۔ عام طور تے فطرت کوں وی آکھا ویندے۔

فطرت یا طبیعت دا لوظ خاصہ وسیع مفہوم رکھیندے تے ایہ تقریباً ہر اُوں شے کیتے ورتیا ویندے جیہڑی انسان کوں ایں دنیا وچ بݨی بݨائی مل ڳئی ہووے، ظاہر ہے جو خالقِ کائنات دی جانب توں۔ اینکوں انگریزی وچ Nature آہدن تے اردو وچ ایندے کیتے ٻئے لوظ وی ایندے ہم وزنی نال ورتیے ویندن جیویں فطرت یا فطری۔ مثال دے طور تے ایہو مفہوم وچ **قدرت** دا لفظ وی ورتیا ویندے، ڳو ایہ الڳ ڳالھ ہے کہ قدرت دا لفظ اگر غور کیتا ون٘ڄے تاں اللہ تعالٰی دی طاقت نال زیادہ قریب ہے پر عموماً اینکوں فطرت دے معنیاں وچ وی ورتیا ویندے۔ بعض اوقات قدرت دا لفظ کہیں کم کوں کرݨ دی صلاحیت کیتے وی ورتیا ویندے جیندے کیتے انگریزی وچ "ability" یا "power" وغیرہ دے الفاظ آندن۔ ایویں ای ہک ٻیا لفظ "طبیعی" وی فطرت دے مفہوم وچ آندے تے ایں توں بݨیا ہویا ہک لفظ مشہور شعبۂ علم کیتے وی ورتیا ویندے یعنی **طبیعیات**۔ عام طور تے طبیعی دا لفظ طبیعت توں الڳ مفہوم وچ آندے پر اصل وچ ݙوہائیں ہک ہن یعنی فطرت، جیکوں آکھیا ون٘ڄے کہ "طبعی موت"، تاں ایندے توں مراد اوہ موت ہوندی ہے جیہڑی کہیں حادثے یا بیماری دی وجہ نال نہ تھئی ہووے بلکہ فطری طور تے واقع تھئی ہووے۔ انہاں تمام وجوہات دی بنا تے ایں سرائیکی وکیپیڈیا تے "Nature" دے سائنسی مضامین وچ استعمال کیتے فطرت دا لفظ منتخب کیتا ڳیا ہے۔