قاصراحمد پوری
اصل ناں عبدالخالق
قلمی ناں قاصر ؔاحمد پوری
جٖمنْ 1945ء
شعر و ادب دے حوالے نال احمد پور شرقیہ دی دھرتی بٖہوں زر خیز ہے جئیں نقویؔ احمد پوری، شاکرؔ احمد پوری، تے رفیقؔ احمد پوری جھئیں بے شمار شاعر پیدا کیتے جنہاں اچوں ہک ناں قاصرؔ احمد پوری دا وی ہے۔آپ سرائیکی وسیب خاص طور تے روہی نال سچا تے کھرا پیار کرنْ آلے شاعر ہن۔
غزل
[لکھو | ماخذ وچ تبدیلی کرو]نت رہندی تیڈٖی لوڑ میکوں
نہ خوشیاں دی ڈٖے تھوڑ میکوں
میں سکھ دے ساہ کوں سکدا ہاں
نہ بحر غماں وچ بٖوڑ میکوں
تیڈٖے ملنْ دی سک ہے دل دیوچ
نہ تیر جدائی دے پوڑ میکوں
چا تیشہ اپنْیاں نظراں دا
اجٖ پتھر وانگیں ہوڑ میکوں
میں مجرم ہاں تسلیم کیتے
نہ قاصرؔ جٖانْ تے چھوڑ میکوں