فیاض ثمر

اصل ناں       فیاض احمد

قلمی ناں       فیاض ثمرؔ

ڄمݨ           1993ء

تعلیم           میٹرک

پیشہ           محنت مزدوری

فون نمبر         0303 9575785

جاہ پتہ         وستی موج دین تحصیل لیاقت پور ضلع رحیم یار خان

غزل

جنتے وڳدا ہے ، جنتے ویندا ہے

کون دریا دا راہ روکیندا ہے

بٖوسے مستک دے دھرتی گھندی ہے

بندہ اللہ کوں سجدے ݙیندا ہے

ریت بھاہیں جو پئی اُݙیندی ہے

جھڑ وی دریا ودا اُݙیندا ہے

سچ الاوݨ دا شوق کیکوں ہے؟

کون کاتی تے ڳل رکھیندا ہے

حشر تھیوے تاں سُدھ ثمرؔ پووے

کون کیندا ہے، کون کیندا ہے

؎ہا سیاݨاں او میݙیں اکھیں وچ

اپݨاں چہرہ وسار کیویں ڳئے

٭٭٭