فورٹ منرو

فورٹ منرو ایک پہاڑی سیاحتی مقام ہے۔ ایہ ہک انگریز منرو دے ناں تے ہے۔ ضلع دیرہ غازی خان وچ ہک ٹھڈھا مقام ہے۔

فورٹ منرو کوہ سلیمان . دیرہ غازی خان جیرھا اپݨی ہک نویکلی تاریخ رکھدے ـ برطانوی دور دا Summer Camp ہا ـ اتھاں ہک جرگہ ہال جتھ انگریز دے پروردہ شخصیات مختلف اوقات وچ کٹھیاں تھیندیاں ہن ـ انگریزیں دا قبرستان تے ہک تالاب وی تاریخی اہمیت دے حامل ہن ـ خاص ڳالھ موسم ٹھڈا ہوندے ـ

فورٹ منرو ضلع ڈیرہ غازی خان دا ہک صحت افزاء مقام ہے۔ اتھوں ڈیرہ غازی خان 54میل دے فاصلے تے ہے۔ اتھاں دا اوسط درجہ حرارت 90درجے فارن ہائیٹ ہوندا ہے ایندا ناں ڈیرہ جات ڈویژن دے کمشنر کرنل منرو دے ناں تے رکھیا ڳیا۔1880ء اچ جݙاں انگریزاں نے بلوچستان تے قبضہ کیتا تاں ڈیرہ غازی خان دا قبائلی علاقہ مرکزی حکومت دے تحت غیر مشمولہ علاقہ قرار ݙے ݙتا ڳیا تے ایں علاقے دے نظم و نسق کیتے ہک پولیٹیکل ایجنٹ مقرر کیتا۔ انہاں ݙینھاں ضلع ڈیرہ غازی خان دے ڈپٹی کمشنر رابرٹ سنڈیمن نے ایندی بنیاد رکھی۔ اتھاں دی ہک جھیل دا ناں ڈپٹی کمشنر مسٹر ڈیمز دے ناں تے ڈیمز جھیل رکھیا ڳیا ہے۔ ایں علاقے دے پہاڑاں اچ فولاد، یورینیم تے جپسم دے ذخائر پاتے ویندن ملکی تے غیر ملکی سیاحاں دا مرکز وی ہے۔(1)

حوالہ

(1)کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء