فوج تے بے جا تنقید

چلو من گھنداں سارے کم فوج کریندی کھڑی ہے ۔میں تھاڈے نال رل کے تنقید کریساں ۔تُساں صرف ہک لیڈر ڈیکھال ڈیو جئیندے اُتیں اساں فخر کر سگوں ساکوں یقین ہووے اے ساکوں پرلی کندھی گھن جُلسی ۔یار تنقید او قوم کریندی ہے جیرھی لیڈر بنڑیندی تھاکوں ساکوں تنقید دا کوئ حق نیں اج ایمان نال ڈسو ہاں جنھیں کوں اج تک ووٹ ڈیندے آئے ہیں اے لیڈر بنڑنڑ دے معیار تیں پورے ہن ۔

چلو فوج صرف دفاع کرے باقی اُوندا کوئ کم نیں ۔عدالت اپڑاں کم کرے ۔یعنی عدالت بلکل پاک صاف تھی کے کم کریندی پئ ہے ۔نہ وکیل وکدے نہ جج ۔بے جرم تاں کوئ سزا اج تک نیں ملی ۔ہئیں نہ چلو مضبوط ادارے پارلیمنٹ جُلدے ہیں سارے معزز ارکان جنھیں دے حق ءچ نعرے مار مار ناسے تھکدے انھیں ساڈے ووٹیں دا حق ادا کر ڈتے ۔کیرھا ایم این اے ہے جئیندے بال تھاڈے بالیں دے کٹھے پڑھدن ہکے ہسپتال ءچ علاج کر ویندن ۔کڈھائیں بُھل کے وی اوں تھاڈے حق ءچ گال کیتی ہے اوکوں چھوڑو آپڑیں شہر تے وستی کوں ڈیکھ کے کڈھائیں احساس نیں تھیاء اج تک کیوں اے گھٹے کوں ووٹ ڈیندے ہیں کیرھے لیڈر مُلک واسطے جان ڈتی ہے یا بچے شھید کرائن زرا اوندے ورکر سامنڑے آون ۔ جھلیج خان جی ۔انھیں مُلک واسطے نیں اقتدار واسطے جاناں ڈتن کُرسی تیں مزید ایلفی تھیونڑ واسطے جان نکھتی ہے این آر او جھئیں پناکی کر کے امریکی مدد گھن کے سکھیں دیاں لسٹاں ڈے کے چاپلوسیاں کرکے متاں کُرسی ملدی ہووے چلو ہُنڑ تاں سیانڑے ہاوے ہُنڑ کیرھا عمر بن عبدالعزیز گھن آئے ہو کیرھی سادگی تھئ ہے اوہے محل ہن اوہے جہاز ہن اوہے پروٹوکول ہن ۔تساں من کیوں نہوے گھندے کہ اساں لیڈر نسے بنڑا سگدے ڈڈو بنڑا سگدے ہیں جیرھے خطرے کوں ڈیکھ کے پانڑی ءچ ٹپ مار کے گُم تھی ویندے خطرہ ٹلسی باہرو نکل کے اُؤ کر کر لئیسی جو سارے ورکر کٹھے کر کے پُوں پُوں کریسن ۔

اج ڈس ڈیو ۔کیرھا موہانڑاں ہے جئیندے اتیں تھاکوں اعتبار ہے ۔پیپلز پارٹی ءچو زرداری یا بلاول۔جی اوھو بلاول جئیں آکھے پتہ ملک ہُنر کتنے ٹکڑے تھیسی ۔نہ سئیں انڈیا دا نیں ساڈا لیڈر ہے جی ہا آپڑاں بلاول زرداری آلا نکڑا نواز شریف ۔ماشاءاللہ۔ عمران خان ۔ٹھراں ٹھراں صرف کابینہ ڈیکھو چاء باقی ملاں ملوانے میکوں پتے انھیں دے ہتھ تساں آپ کڈھائیں مُلک نہ ڈیو۔۔۔ اج ڈسو کُھل کے کیرھا لیڈر ہے میڈا ویر پہلے لیڈر بنڑاؤ پچھیں جتھاں دل آھدے تنقید کرائے ۔ ۔۔۔۔۔۔۔۔جمیل بلوچ