فضل سوکڑی

اصل ناں      فضل الہٰی

قلمی ناں      فضل سوکڑی   

جمن          1977ء   

پیشہ         ملازمت

فون نمبر      0332 0610251

جاہ پتہ         مستقل، محلہ مشرقی سوکڑ تحصیل تونسہ ضلع ڈیرہ غازی خان

فضل سوکڑی دا تعلق چونکہ سنگھڑ دی دھرتی نال ہے،تے سنگھڑ ازل توں مظلوم تے وسائل توں محروم لوکاں دی دھرتی ہے،جتھاں دھرتی واسیں نال ظلم ،زیادتی تے وانج تھیوے تاں اتھاں مزاحمت فطری عمل ہوندے مگر فضل سوکڑی سدھی سامنی مزاحمت کرن دے بجائے اشارے تے کنائے نال اپنی زبوں حالی بیان کریندے۔یاد رہوے جو فضل سوکڑی دا تعلق ملغانی خاندان نال ہے ،مہاندرے لکھاری تے دانشور ڈاکٹر حمید الفت ملغانی آپ دے وڈے بھائی ہن۔

غزل

نال رہندیں کوں دور لگدے ہیں         آپ اپناں قصور لگدے ہیں

چُپ چپاتے ہیں من مخبّے وچ        خود کوں ویلھا اسور لگدے ہیں

منہ تے کھل دا کئی خاص مقصد ہے        اندری اندر تاں چور لگدے ہیں

رشتہ کائنی ہزار رشتے ہن        کجھ تاں تیڈے ضرور لگدے ہیں

جیڑھا فضل ؔ ہے دل دی کوٹھی وچ        اج تاں اوکوں وی دور لگدے ہیں