فرحت نواز
اصل ناں فرحت نواز
تخلص فرحت
جمن 1957ء
تعلیم ایم اے انگلش
پیشہ ریٹائر وائس پرنسپل
فون نمبر 03006720338
جاہ پتہ ۱۱۔ اے/۵۱ زمیندارہ کالونی۔ رحیم یارخان فون ۱۱۴۱۷،۶۴۳۵
محترمہ فرحت نواز 17جون1957ء کوں ڈاکٹر محمد نواز بھٹی دے گھر جام پور ضلع راجن پور اچ پیدا تھئین۔ایم اے انگلش تے ایم اے معاشیات تعلیم حاصل کیتی ۔تے ول محکمہ تعلیم اچ ملازمت اختیار کرکے اپنی عملی زندگی دا آغاز کیتا ،تے زندگی دا ہک طویل حصہ گورنمنٹ پوسٹ گریجو ایٹ کالج ، برائے خواتین رحیم یار خان اچ گزاریا۔تے آخر 2017ء کوں وائس پرنسپل دے عہدے توں ریٹائر تھی گئیاں۔شاعری دے حوالے نال آپ ہک خوبصورت لب و لہجے دی شاعرہ ہن ۔ شاعری دے نال نال اوہ پختہ کار نثر نگار وی ہن نمونہ کلام پیشِ خدمت ہے۔
(1) غزل
[لکھو | ماخذ وچ تبدیلی کرو]شکوے رب دے وی نال تھی ویندن
میڈی بہوں ہے مجال تھی ویندن
ڈینہ کوں خوشیاں حرام کر بہندوں
رات کوں غم حلال تھی ویندن
جیڑھے اساں کروں تاں چھکدے ہن
او وی اوندے سوال تھی ویندن
گالھ جو اوندے کیتے لکھدی ہاں
شعر میڈے کمال تھی ویندن
راند رسدی نظر نہیں آندی
کیوں اگونہیں خیال تھی ویندن
روہی ساڈا رومانس ہے بھانویں
ٹوبھے سُکدن وبال تھی ویندن
(2) غزل
[لکھو | ماخذ وچ تبدیلی کرو]سب کوں اپنی اپنی جاہ تے سچّا تھیون آگئے
کوڑیاں کھِلّاں کھل تے آہدن ساکوں جیون آگئے
مان ہا میکوں آسی میڈے ڈکھ سارے ونڈ گھنسی
او تاں رسمی طور تے میڈے گھر تئیں تھیون آگئے
ہر کوئی آکھے میں جھاں خوش کئی دنیاں تے نہ ہووسی
میکوں اپنے ہنجواں دا ایں دریا پیون آگئے
جے ٹُر پووے کوئی سفر تے ،پچھوں نئیں پکریندا
گالھ سمجھ نئیں آئی پر ہونٹھاں کوں سیون آگئے
بالیں کولوں سکھ تے ساریاں انٹر نیٹ دیاں رمزاں
ساکوں وی گھر بیٹھے بیٹھے سوشل تھیون آگئے
_______________________
جیڑھا کھل تے ٹریا کجھ پندھ نال اساڈے خوش رہوے
توڑ حیاتی دے پندھ اوکھے ٹُر سگدا ہا رلّے کون؟
٭٭٭