فرحت ملتانی

اصل ناں    محمد اجمل

قلمی ناں    فرحت ؔملتانی

جٖمنْ        1940ء

فرحتؔ ملتانی شاعر ابنِ شاعر ہن۔آپ حضرت خادمؔ ملک ملتانی دے فرزند ہن۔پکے سچے تے پختہ شاعر ہن۔اردو شاعری وی کریندے ہن۔کجھ دوستاں توں سنْیا ہے جو عطاء اللہ نیازی دا گٖایا ہویا گٖاونْ ’’ دل لگایا تھا دل لگی کیلئے‘‘وی فرحتؔ ملتانی دا لکھیا ہویا ہے۔آپ دی سرائیکی غزل دا نمونہ حاضر ہے!

غزل

میں کھول کے من مندر کوں

ہم پوجیا سنگ مر مر کوں

اوں بُت کوں دل وچ رکھ کے

بُت خانہ بنْایم گھر کوں

ہن عشق دے پندھ اڑانگے

ونجٖ جھاگاں جنگل بر کوں

ونجٖ تھل مارو وچ وساں

’’سٹ زر زیور تے گھر کوں‘‘

فرحتؔ جے فرحت چہندیں

کر سجدہ یار دے در کوں