فاطمہ نسومر
فاطمہ نسومر اوہ مجاہدہ ہئی جیندی داستان الجزائر دی تاریخ وچ سنہری حروف نال لکھی ڳئی ہے۔ ہک اینجھی جنگجو جینکوں خولة الجزائر دے ناں نال وی یاد کیتا ویندے، اوہ بہادر خاتون جیں نے فرانسیسی استعماری فوج دا جوانمردی نال مقابلہ کیتا تے فرانسیسی جرنیلاں دے مقابلے کیتے 25000 دا لشکر تیار کیتا.
فاطمہ نسومر دی جدوجہد
[لکھو | ماخذ وچ تبدیلی کرو]ایں مجاہدہ دا اصل ناں "فاطمہ سید احمد" ہے جیہڑی 1830ء وچ الجزائر دے مشرق وچ واقع "عین الحمام" نامی گاؤں اچ پیدا تھئی, فاطمہ ہک خالص دینی گھراݨے اچ پیدا تھئی تے کم عمری وچ ہی قرآن حفظ کیتا تے اسلامی تعلیمات توں مستفید تھئی.
1850ء وچ فاطمہ نسومر نے فرانسیسی استعمار دے خلاف جنگ دا اعلان اوں وقت کیتا جݙݨ اوہ فقط "ویہہ سال" دی ہئی تے الجزائر اچ جاری شریف بوبغلة دی مزاحمتی تحریک اچ شامل تھئی تے ناث إيراثن گاؤں تے تھیوݨ والے فرانسیسی حملے کوں پسپا کرݨ والے جتھے دی قیادت کیتی جس نال بے شمار نوجواناں کوں مزاحمتی تحریک وچ شامل تھیوݨ دی ترغیب ملی. اپݨی غیر معمولی قائدانہ صلاحیت دی وجہ توں فاطمہ نسومر" نے سن 1852ء وچ اوں خطے وچ جاری مزاحمتی تحریک دی قیادت کیتی, جیندی وجہ توں فرانسیسی فوج کوں اپݨی تعداد اچ اِضافہ کرنا پیا.
چنانچہ فرانسیسی فوج نے جنرل رونڈون یچیکارٹ دی سربراہی وچ "فاطمہ نسومر" دی مزاحمتی تحریک کوں کچلݨ دا آغاز کیتا تے ݙوہاں گروپاں وچ ہک زبردست جھڑپ تھئی۔ چونکہ فرانسیسی استعماری فوج کوں جدید اسلحہ تے تربیت یافتہ فوج دی مدد حاصل ہئی ایں واسطے اوں جھڑپ وچ فاطمہ نسومر دے لشکر دے ۸۰۰ سو مجاہد شہید تھی ڳئے. جیندی وجہ توں فاطمہ نسومر کوں حکمت عملی دے نال "تاخليجت ناث عيسو" دے علاقے تک پچھوں ہٹݨا پیا. فرانسیسی استعمار نے "فاطمہ نسومر" دا پیچھا کریندے ہوئے اُوندی پسپائی دا فائدہ چاتا تے ہمیشہ دی طرح ہک گھناؤنے جرم دا ارتکاب کیتا. لہٰذا اُنہاں نے بے شمار مکانات کوں تباہ کر ݙتا تے متعدد دیہاتاں دے باشندیاں دی نسل کشی کیتی تے اتھاں تک کہ انہاں دے معصوم ٻالاں کوں وی نہ بخشا ڳیا.
اوں مدت دے دوران "فاطمہ نسومر" مزاحمتی جنگجوؤاں دے گروہ تشکیل ݙیندی رہی جیہڑے مختلف معرکیاں اچ فرانسیسی فوج کوں تقصان پہنچیندے رہے. "فاطمہ نسومر" تے فرانسیسی فوج دے مابین آخری معرکہ الجزائر دے شہر قسطنطنیہ اچ تھیا. فرانسیسی جنرل نے خود فوج دی قیادت کیتی تے " فاطمہ نسومر " دی فوج دے نال ہک زبردست جنگ تھئی لیکن ݙوہاں لشکراں دے مابین وݙے فرق دی وجہ توں فرانسیسی فوج نے ایہ جنگ جیت گھدی.
وفات
[لکھو | ماخذ وچ تبدیلی کرو]فرانسیسی فوج نے "فاطمہ نسومر" کوں گرفتار کر گھدا تے فوجی عدالت دے زریعے فرانسیسی فوج تے حملے کرݨ تے نقصان پہنچاوݨ دے جُرم اچ "" ست سال "" دی قید سُݨائی تے 33 سال دی عمر اچ قید دے دوران ہی ایں مجاہدہ دی وفات تھئی. ایں مجاہدہ دی مزاحمتی تحریک دا عرصہ تقریباً ݙو توں ڈھائی سال دا ہے, اوں قلیل مدت اچ وی اوں مجاہدہ نے فرانسیسی فوج کوں ناقابلِ تلافی نقصان پہنچایا. [١]