غیور بخاری دیاں سرائیکی نظماں تے انگریزی عنوانات
غیور بخاری ہک سرائیکی شاعر ہے۔
چینج[لکھو | ماخذ وچ تبدیلی کرو]
جیویں اُٹھ گھوڑے دی دُنیا
موٹر کار اچ بدلی،،
جیویں ٹانگا، سائیکل رکشہ،،
ویسپا دے وچ ڈھلیے،،
جیویں قصہ، ناٹک دے وچ،،
انسانیں کوں مِلیا،،
جیویں ناٹک والا نقلی،،
کامیݙی فلماں دے اندر،،
ٹی وی اُتے نسریا،،
ڄیویں جو قاصد دا مُکھڑا،،
آن موبائل لُکایا،،
جیویں جو خط پتر اساݙا،،
میسج سینے لایا،،
اونویں ہک ݙینھ ایہ رُت سوہݨی،،
ݙیکھیں یار بدلسے،،
وٹس اپ، ٹیوٹر، ایمو کولہوں،،
تھک ویسی ایہ دُنیا،،
اک ویسی ایہ دُنیا،،
ایف بی سنویاں کئی ایپاں دے سینے خالی ہوسن،،
ڈھیر سوالی ہوسن،،
اوں ݙینھ ول کُئی دھرتی اُتے،،
نواں درشن لہسے،،
جیکوں دنیا چہسے،،
او ویلا وی آسے،،
او ویلا وی آسے،،
(غیور بخاری)
ریسرچ[لکھو | ماخذ وچ تبدیلی کرو]
(فیس بُک ویورز دے ناں)
اڄ جیویں کتابیں تے،،
پئی ریسرچ تھیندی ہے،،
اینویں ہک زمانے وچ،،
فیس بُک دی دنیا تے،،
کہیں ریسرچ کرݨی ہے،،
فیس بُک آئی ڈی تے،،
فیس بُک دے پیجِز تے،،
فیس بُک گروپسں اُتے،،
کہیں مقالے لکھݨے ہِن،،
جے توں اوں زمانے وچ،،
فیس بُک تے ہونویں تاں،،
کھول میݙی آئی ڈی کوں،،
میݙے ہر زمانے دی،،
داستاں کوں ݙیکھیں توں،،
میں تیکوں محبت دے،،
ہر سوال وچ مِلساں،،
ہر خیال وچ مِلساں،،
ہر خیال میݙے وچ،،
خواب توں عذابیں تئیں،،
سِر دی ویل گھولݨ تئیں،،
زندگی تے ٻولݨ تئیں،،
"ساکھ" توں "حیاتی" تئیں،،
"مونجھ" تے "مزاحمت" دا،،
ہک وݙا زمانہ ہے،،
میں جیڑھے زمانے دی،،
رڄ تے خاک چھاݨی ہے،،
ایہ میݙی کہاݨی ہے،،
فیس بُک دی دنیا تے،،
جے ریسرچ تھیوے تاں،،
توں میݙی محبت دے،،
یار ایں زمانے دا،،
رنگ نہ بُھلانویں پیا،،
روپ نہ وٹانویں پیا،،
(غیور بخاری)
کتھارسس[لکھو | ماخذ وچ تبدیلی کرو]
(بابا سئیں دے ناں)
میں جو زمانہ،،
تہاݙیاں اکھیں دے نال ݙٹھے،،
او ٻہوں حسیں ہا،،
نہ رزق روزی دا کوئی غم ہا،،
نہ سوچ توں ودھ ضرورتاں ہن،،
نہ دل دے وچ کُئی کُدورتاں ہن،،
محبتاں ہن.......محبتاں وچ،،
نہ مونجھ،
ݙُکھ، درد تے یقیں ہا،،
میں جو زمانہ،،
تہاݙیاں اکھیں دے نال ݙٹھے،،
او ٻہوں حسیں ہا،،
میں خواب جیرھے،،
تہاݙی جھولی دے وچ ݙٹھے ہن،،
میݙی خوشی ہن،،
او زندگی ہن،،
اُنھاں دی تعبیر وچ تہاݙی،،
دعا، محبت تے روشنی ہئی،،
میݙی حیاتی دی چاندݨی ہئی،،
او خواب کیݙے حسین ہن جو،،
جنھاں کوں ݙیکھݨ دی سِک ہمیشاں،،
نماشاں ویلے،،
تہاݙی جھولی ݙو چھِک آندی ہئی،،
او خواب جیرھا،،
میں پہلی واری تہاݙی جھولی دے وچ ݙٹھا ہم،،
تہاݙے شعریں دے وانگ سوہݨا تے دلنشیں ہا،،
میں جو زمانہ،،
تہاݙیاں اکھیں دے نال ݙٹھے،،
او ٻہوں حسیں ہا،،
میں جیرھی لوری،،
تہاݙے شعریں وچوں سُݨی ہے،،
اوہو جہیں سُکھ تے سکون والی،،
حسین لوری کوں کن ترس ڳن،،
میں جیرھی لوری،،
تہاݙیاں نظماں دے وچ پڑھی ہے،،
اوہو جہیں سوہݨی سرائیکی لوری دی کؤ کوں سِک ڳیاں،،
تہاݙیاں کافیاں، تہاݙیاں نظماں،،
تہاݙے ݙوہڑے، تہاݙیاں غزلاں،،
تہاݙے قطعات تے رباعیاں،،
تہاݙے لکھیے ہوئے مُسدس،
اتے مخمس،
سموریاں اصناف وچ تہاݙا،،
خیال سوہݨا تے نازنیں ہا،،
میں جو زمانہ،،
تہاݙیاں اکھیں دے نال ݙٹھے،،
او ٻہوں حسیں ہا،،
میں پندھ جیرھے،،
تہاݙے پیریں دے نال کیتن،،
او پندھ سارے عظیم تر ہن،،
او راہ رستے،،
او موڑ، ڳلیاں،،
او گھر دی ݙیڈھی دے نال روھی دے اُچے ٹٻڑے،،
میݙی حیاتی دے ہمسفر ہن،،
میں پندھ جیرھا،،
تہاݙے پیریں دے نال کیتے،،
اوہو محبت دی سر زمیں ہا،،
میں جو زمانہ،،
تہاݙیاں اکھیں دے نال ݙٹھے،،
او ٻہوں حسیں ہا،،
او نندر جیرھی،،
تہاݙی شال اچ نصیب تھئی ہئی،،
او سیجھ تے وی نصیب نئیں تھئی،،
تہاݙی شال اچ میں جیرھا سُکھ تے سکون پاتے،،
او کہیں وی جاہ تے مِلیا نی میکوں،،
او کہیں وی راہ تے مِلیا نی میکوں،،
او شال ہے پئی،،
جیکوں دسمبر دے وچ میں ہر سال اپݨی الماری توں کڈھینداں،،
میں اونکوں پینداں،،
مگر میکوں نندر کائنی آندی،،
نہ ہُݨ کوئی خواب ݙیکھ سڳداں،،
نہ ہُݨ میکوں پندھ چنگے لڳدن،،
نہ ہُݨ کوئی شعر چنگا لڳدے،،
خبر نی کن ڳئے،،
تہاݙی سِک دا، اوہو محبت بھریا زمانہ،،
جیرھا میݙے دل دے وچ مکیں ہا،،
میں جو زمانہ،،
تہاݙیاں اکھیں دے نال ݙٹھے،،
او ٻہوں حسیں ہا،،
(غیور بخاری)
آف لائن[لکھو | ماخذ وچ تبدیلی کرو]
آف لائین تھیوݨ کوں،،
ٻاوی منٹ گُزرئیے ہِن،،
اِنھاں ٻاوی منٹاں وچ،،
جیرھے ویلے میسنجر،،
کُھول ساوے ٹِکے کوں،،
ݙیکھداں تاں اکھیں وچ،،
مونجھ جاڳ پوندی ہے،،
ڄاݨدا وی نِم اونکوں،،
پنج منٹ ٻولی ہے،،
پنج مِنٹاں وچ میکوں،،
پنج دفعہ رُوایا ہِس،،
ول وی سُدھ نہیں میکوں،،
کیوں ایہ بے قراری ہے،،
میں اوں ساوے ٹِکے کوں،،
پنج دفعہ جو ݙہدا ہاں،.
منٹ ہک گُزردا ہے،،
بار بار ݙیکھݨ تے،،
منٹ منٹ ودھدا پئے،،
وقت وی گُزردا پئے،،
ساہ وی نال گھٹدا پئے،،
آف لائن تھیوݨ کوں،،
ٻاوی منٹ گُزرئیے ہِن،،
اِنھاں ٻاوی مِنٹاں وچ،،
ٻاوی سال پہلے دا،،
پیار یاد آندا پئے،،
یار یاد آندا پئے،،
. (غیور بخاری)
نویں سرائیکی نظم
سافٹ وئیر[لکھو | ماخذ وچ تبدیلی کرو]
"ای، ڈی، ایس" کوں اوپن کر تے،،
میں ایہ سوچیم،،
جیئں اینکوں ترتیب ݙتا ہے،،
کتنا وݙا بندہ ہوسی،،
اوں ایہ کیویں سوچیا ہوسے،،
ایندے اندر ویڈیو والے،،
سارے فیچر فِٹ کرݨے ہِن،،
ول میں سوچیم،،
"کورل ڈرا "دے سینے اُتے،،
اِتلے رنگ کھِنڈاوݨ والا،،
کیݙا شخص سیاݨا ہوسی،،
جیئں رنگیں وچ سنگری پُنگری،،
کُل کینات سمیٹی ہوسے،،
ایندے بعد میں "پی ایس" بارے،،
غور جو کیتم،،
تاں میں وت حیران تھیاں ہاں،،
ہک کوجھے بندے دا فوٹو
کتنا سوہݨا کر ݙیندا ہے،،
میں ایں نظم کوں لکھݨ سانگے،،
"آفس" تے "ان پیج" کوں کھولیم،،
تاں یاد آئے جو،،
کتنے چھوٹے سوفٹ وئیر ہِن،،
جیڑھے اپݨی میموری وچ،،
لفظیں دی کینات سموری رکھ سڳدے ہِن،،
دنگ تھی ڳیا ہاں،،
ایہ تاں ہک انسان بݨائے ہِن،،
جیئں ایجھے انسان ہِن خلقیے،،
سُدھ نی او وت کیجھا ہوسی؟
ایجھے خواب خیالیں دے وچ،،
گُم سُم ہامی،،
تیݙی مونجھ دا میسج کھڑکیے،،
جیکوں پڑھدیں خواہش جاڳی،،
کاش!
کُئی ایجھا سافٹ وئیر وی،،
سانول ہوندا،،
جیرھا سُکھ دا مِینھ گھِن آندا،،
میل مِلاپ دے ݙینھ گھِن آندا،،
(غیور بخاری)
۔۔۔۔۔۔۔۔۔۔۔۔۔۔
میسج[لکھو | ماخذ وچ تبدیلی کرو]
سال سارا او میڈے نال الایا کائنی ،،
عید آئی ہے تاں میڈے یار دا میسج آ ڳئے،،
اِتلے ݙینھ کولہوں نظر آیا توں کائنی میکوں ،،
کال ، میسج دا وی ہُنڑ ٹائم نی مِلدا تیکوں ،،
خیر ہے ؟ کتھ کے توں مصروف ودا ہئیں سانول ،،
اِنھاں گالہیں دا اونکوں جیلے میں ولدا بھیجے ،،
اَہدے بس چھوڑ جو ایں بحث دا فیدہ کائینی ،،
تیکوں میسج میں کیتے اِتنا ݙساوݨ سانگے ،،
چھالا اڄ مونجھ دا پھِس پیا ہے مُبارک ہووی ،،
چندر اڄ عید دا ݙس پیا ہے مُبارک ہووی ،،
(غیور بخاری)
میسج
۔۔۔۔۔۔۔۔۔۔۔۔۔۔
سال سارا او میڈے نال الایا کائنی ،،
عید آئی ہے تاں میڈے یار دا میسج آ ڳئے،،
اِتلے ݙینھ کولہوں نظر آیا توں کائنی میکوں ،،
کال ، میسج دا وی ہُنڑ ٹائم نی مِلدا تیکوں ،،
خیر ہے ؟ کتھ کے توں مصروف ودا ہئیں سانول ،،
اِنھاں گالہیں دا اونکوں جیلے میں ولدا بھیجے ،،
اَہدے بس چھوڑ جو ایں بحث دا فیدہ کائینی ،،
تیکوں میسج میں کیتے اِتنا ݙساوݨ سانگے ،،
چھالا اڄ مونجھ دا پھِس پیا ہے مُبارک ہووی ،،
چندر اڄ عید دا ݙس پیا ہے مُبارک ہووی ،،
(غیور بخاری)
اوکے[لکھو | ماخذ وچ تبدیلی کرو]
تیݙی مرضی ہے نہ الا، اوکے،،
جیویں دل آکھی کر ودا، اوکے،،
نہ کراں کال جے تلک تیکوں،،
کرݨا تئیں کائنی رابطہ، اوکے،،
اچھا، مصروف ہو تُساں شاید،،
جلدی وچ پئے اکھیندو، ہا، اوکے،،
کلہے سِر تے میں خود نبھا ویساں،،
توں ودا یاریاں نبھا، اوکے،،
ڈھیر غیورؔ ٹھیک نئیں لمبڑ،،
مختصر کر تے مقطع لا، اوکے،،
(غیور بخاری)