غیر مقلد یا وہابی

وکیپیڈیا توں

اہل حدیث توں مراد مسلماناں دے اس تفرقے دی ہے کہ جس دی پیدائش ݙوجھی صدی ہجری دے اواخر تے تریجھی صدی ہجری (یعنی اواخر اٹھویں و نانویں صدی عیسوی) توں ݙیکھݨ وچ آئی۔ اہل الرائے تے اہل القرآن دے برخلاف اس تفرقے وچ احادیثِ نبوی دی اسناد تے زور ݙتا ویندا ہے یعنی اہل الرائے دی طرح تقلید تے قائم نہیں نہ مگر اہل القرآن دی طرح حدیث کوں نظر انداز وی نی کریندے.

محمد بن عبدالوہاب[لکھو | ماخذ وچ تبدیلی کرو]

فرقیاں دا نقشہ
محمد بن عبد الوهاب

محمد بن عبد الوہاب (پیدائش: 1703ء— وفات: 21 مئی 1792ء) عرب دے علاقے نجد دے ہک قصبہ العيينہ وچ 1703ء وچ پیدا تھئے ایں سال دہلی وچ شاہ ولی اللہ وی پیدا تھئے۔ او بڑے ذہین ،حافظے دے قوی تے بہترین انسان ہن۔ ݙاہ سال دی عمر وچ قرآن حفظ کر گھدا۔ ابتدائی تعلیم حاصل کرݨ دے بعد انہاں نے مکہ معظمہ تے مدینہ منورہ ونج کے قرآن و حدیث دی تعلیم حاصل کیتی.

1158ھ وچ نجد دے ہک شہر درعیہ دے امیر محمد بن سعود (متوفی:1765ء) نے انہاں دے ہتھ تے بیعت کر گھدی، امر بالمعروف تے نہی عن المنکر تے عمل کرݨ دا عہد کیتا تے کتاب و سنت دے ݙسے ہوئے طریقیاں تے چلݨ تے آمادگی ظاہر کیتی۔ امیر محمد بن سعود دی مدد نال انہاں دی تحریک سارے نجد وچ پھیل گئی تے امیر دی حکومت وی شہر درعیہ توں ودھ کے سارے نجد وچ قائم تھی گئی۔

محمد بن عبد الوہاب نے پنجاہ سال تبلیغ دا کم انجام ݙیوݨ دے بعد وفات پاتی۔ او کئی کتاباں دے مصنف ہن جنہاں وچ کتاب التوحید مشہور ہے۔ محمد بن عبد الوہاب دی تحریک نے اسلامی دنیا تے گہرا اثر پاتا.