غریب نواز، مخلص، ہمدرد
،،،،،،،،،،،،،،،،،،، غریب نواز ،مخلص،،،ہمدرد،،،،،
اُو پیدا تھئے پورے محلے ءچ شھر ءچ مٹھائیاں ونڈیاں گیاں امریکہ تے یورپ توں منگوائے ھوئے بسترے ون پووَنے کپڑے نوکرانڑیں دی فوج دھووانڑ آلی کوئ ،سُماونڑ آلی بی ،ہر پنج منٹ بعد کپڑے وٹائے ویندے ہن ، تھوڑا وڈا تھئے نوکریں دے ہتھیں تک پہنچ گئے انھیں ایویں چاتے جیویں کپاہ دا بنڑیا ھویا ھووے ، شھر دے مہانگے سکول ءچ داخلہ تھیاء، ہک نوکر دے ہتھ ءچ بستہ ھا ڈوجھے دے ہتھ ءچ ،کھیر تے پھل فروٹ ہن ، اللہ دی کیتی نال دماغ توں ھؤلا ھا پَر ابے تیں خاندان دی سُنجانڑ نال ہر کلاس ءچ پہلے نمبر تے آندا ریھا ، جڈاں ڈگریاں گھنڑ جُوگا تھئے اُو وی بغیر محنت تیں مشقت دے ڈُو ٹکے بھر کے گھن آئے ، ہُنڑ اوں ڈینھ دا انتظار کیتا گئے جڈاں بابے ڈاڈے دی سیٹ تیں الیکشن لڑواونڑا ھا ،اللہ اللہ کرکے او ڈینھ آئے ، نوکریں چاکریں گڈی کوں چُم چُم کے صاف کیتے غلاب دے پھل سٹیے نے ،ہک نوکر دروازہ کھولیے ڈُوجھے ہتھ بدھ کے سر نواء کھڑن ،گودا سئیں کرنڈی دا جوڑا پاء کے گڈی ءچ بیٹھے ،وستی آلیں کوں پہلے اطلاع ھئ کہ اج سئیں ھونڑیں ساڈی وستی دا چکر لاونڑ آندے پئین ،وستی آلے استقبال کیتے وڈی سڑک تک گئے کوئ گڈی دے اگو دُرکدا ودا ھا کوئ گڈی کوں اینویں چنمبڑیا پیاء ھا جیویں گرمی ءچ کُتا ریت کوں چنمبڑدے ، خیر گودے دی گڈی دا دروازہ نوکریں کھولیا مرشد سئیں بلب وانگوں بلدے پیر وستی دی بدبخت بھوئیں تیں رکھیے ساری وستی آلے ایویں ڈُونڑیے پئے ہن جیویں انھیں دی کنڈ آلی ہڈی جمدوں خراب ھووے.
سئیں ھونڑیں ادھ پچدھ بندیں نال ڈُو انگلیں دا سلام کیتا تے آکھیس تھاکوں پتہ ھے میں کنیں وڈا غریب دا ہمدرد ایں پورے وسیب ءچ کوئ کائینی میں تھاڈا ہر ڈُکھ سکھ آپڑاں سمجھداں میکوں سارا پتہ ہے تھاڈے کیا مسائل ہن اجاں ایھے گالھیں شروع ہن وستی آلیں نعرے مار مار گچی سُجا رکھی،گودے دی گڈی کچی بھوئیں کوں پٹیندی وستی آلیں دے مونھ ءچ دھوڑ دے منڑ سٹیندی جڈاں پچھو تیں گئ انھیں ہک ڈوجھے کوں آکھیا ہُنڑ ساڈے حالات وٹیسن جُو نواں خون ھے ، گودا سارا رستہ ایں گال تیں کھلدا رھیا اے کلھ وی چبل ہن،اے اج وی چبل ھن بھلا میکوں کیرھا پتہ غربت کیرھی بلاء ھوندی ھے وائے بشیرا تیکوں پتہ ھے غربت کیرھی شئے ھے ڈُوھائیں دے ٹھکارے وستی آلیں دی جہالت ءچ گُم تھے گئے ،،،،،،جمیل بلوچ. <ref>https://m.facebook.com/story.php?story_fbid=579891119133762&id=100013386369393