عیسیٰ خیل
عیسیٰ خیل سرائیکی وسیب دا اہم علاقہ،ضلع میانوالی دی ہک تحصیل تے ایندا صدر مقام ہے۔ دریائے سندھ دے مغربی کنارے تے ماڑی انڈس شاہراہ تے ریلوے لائن تے ماڑی انڈس توں تریہہ میل تے میانوالی توں 58میل دے فاصلے تے واقع ہے ۔ اتھوں کر اَٹھ میل دے فاصلے تے ضلع بنوں دی سرحد شروع تھیندی اے۔ پُراݨا شہر دریائے سندھ طغیانی اچ وہا تے گھن ڳیا تے ایندی جھاہ 1830ء اچ احمد خان نیازی نے نواں شہر آباد کیتا۔
شروع اچ اے ضلع بنوں دا حصہ ہا۔ 1901ء اچ جݙاں ضلع میانوالی بݨایا ڳیا تاں ایکوں میانوالی اچ شامل کر گھٖدا ڳیا۔ اتھاں دی گھریلو مصنوعات اچ صراحیاں، گھڑے، چٹائیاں شامل ہن۔ عطاء اللہ عیسیٰ خیلوی توں علاوہ ڈھیر سارے گلوکار تے شاعر اتھاں پیدا تھین۔
حوالہ
[لکھو | ماخذ وچ تبدیلی کرو]کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء