علی پور سیداں

علی پور سیداں ضلع نارووال پنجاب دا ہک مشہور و معروف قصبہ ہے جیندی وجہ شہرت ݙو صاحب مزار ہستیاں ہن۔ عالم اسلام وچ علی پور سیداں شریف کوں منفرد مقام حاصل ہے کیونکہ اتھاں سادات خاندان دے ݙو عظیم روحانی بزرگ جیہڑے ہم نام وی ہن تے ہم عصر وی ہن۔ ݙوہاں دا ناں سید جماعت علی شاہ ہے۔ ݙوہیں آستانہ عالیہ چورہ شریف دے شہنشاہ باواجی فقیر محمد چوراہی توں فیض یافتہ ہن تے عرصہ دراز تک اللہ تعالیٰ کلدے فضل و کرم نال مخلوق خدا دے دامن مراد کوں مالا مال کریندے رہے ہن۔ دنیا توں پردہ کرݨ دے بعد وی انہاں دے آستانے مرجع خلائق ہن۔ اے ݙوہیں عظیم ہستیاں خلق خدا دے قلوب وچ اینجھے نقوش چھوڑ ڳئے ہن جیہڑے رہندی دنیا تک مٹ نی سڳدے۔ انہاں وچ ہک امیر ملت حضرت حافظ پیر سید جماعت علی شاہ محدث علی پوری جنہاں کوں بانی پاکستان آکھا ویندے۔ آپ محدث علی پوری، ابو العرب تے امیر ملت دے القاب نال عرب و عجم وچ معروف ہن تے ݙوجھے بزرگ فقیر ملت حضرت پیر سید جماعت علی شاہ لاثانی دے ناں نال عالم اسلام وچ پہچاݨے ویندن۔ اسلامی جمہوریہ پاکستان وچ انہاں ݙوہاں آستانیاں نال تعلق رکھݨ والیاں دی تعداد لکھاں وچ ہے جبکہ دیگر ممالک وچ وی یاران طریقت دی تعداد گھٹ نی۔ حافظ پیر جماعت علی شاہؒ امیر ملت تے جماعت علی شاہ لاثانی ݙو الگ الگ شخصیات ہن۔ ݙوہاں نے ہم عصر ہووݨ دے علاوہ ہک ہی بزرگ بابا جی فقیر محمد چوراہی دے دست حق پرست تے بیعت کیتی۔ ”جماعت علی شاہ صاحب“ لاثانی دی عرفیت نال مشہور تھئے تے انہاں دا وصال 1939ء وچ تھیا، جبکہ حافظ پیر جماعت علی شاہ صاحب دی ہک پہچاݨ ”محدث علی پوری “قرار پائی تے خلق خدا نے انہاں کوں ”امیر ملت“ دا لقب ݙتا تے انہاں دا انتقال 30 اگست 1951ء کوں تھیا۔ لاثانی صاحب میدان ”خلوت“ دے شہسوار ہن تے امیر ملت ”جلوت“ دے شہسوار۔ گویا لاثانی صاحب گوشہ نشینی کوں پسند فرمیندے ہن تے سیاست کیتے تاں روزِ روشن وچ خلق خدا نال پالا پوندے۔ امیر ملت حسنی سید ہن۔