علامہ احمد سعید خان ملتانی

علامہ احمد سعید خان ملتانی ماضی قریب دے تنظیم اشاعت التوحید والسنہ نال تعلق رکھݨ والے عالم دین ہن۔ احمد سعید خان ملتانی 1940ء وچ ملتان دے نواحی گاؤں چتروڑ گڑھ وچ ہک زمین دار خدابخش بلوچ دے گھر پیدا تھئے ۔ابتدائی تعلیم ماموں کانجن، ضلع فیصل آباد وچ سلطان محمود توں حاصل کیتی۔ دورہ تفسیر راولپنڈی وچ غلام اللہ خان توں تے دورہ حدیث گوجرانوالہ وچ قاضی شمس الدین توں پڑھا۔ آپؒ دا شمار سید عنایت اللہ شاہ بخاری دے قریبی مریدین وچ تھیندا ہے۔

علمی خدمات

تعلیم توں فراغت دے بعد خطابت شروع کیتی تے تھوڑے ہی عرصے وچ انہاں دا شمار اچھے خطباء وچ تھیوݨ لگا۔ اوہ بیان توحید وچ کہیں کوں خاطر وچ گھن آندے تے قرآنی آیات نال اپݨی تقریر کوں مزین فرمیندے ۔اللہ تعالٰی نے انہاں کوں خوب صورت آواز نال نوازا ہئی جس وچ آپؒ قرآن پڑھتے تے موحدین دے دلاں وچ جذبہء توحید کوں ابھاردے ۔ کجھ عرصہ دے بعد ککڑہٹہ روڈ کبیر والا ضلع خانیوال وچ آپ نے ہک دینی درس گاہ جامعہ محمدیہ احیاء السنہ دی بنیاد رکھی۔

اوہ ابتدا وچ جمعیت اشاعت التوحید والسنہ نال منسلک رہے تے اسلامی موضوعات تے تقریراں کریندے رہے۔ 10 مئی 1998ء كوں چند فروعی مسائل وچ اختلاف دی بنا تے جماعت توں الگ تھی گئے تے 31 مئی 1998ء کوں خان گڑھ ضلع مظفرگڑھ وچ ہک نویں تنظیم بنام مرکزی جمعیت اشاعت التوحید والسنہ دی بنیاد رکھی۔ غالبا انہاں ݙینہاں انہاں نے دورہ تفسیر دا وی آغاز کر ݙتا ہئی۔ انہاں نے 2008ء وچ ہک کتاب قرآن مقدس تے بخاری محدث دے ناں نال شائع کیتی جس دی وجہ نال انہاں تے مقدمہ چلا تے عرصہ نو مہینے تک گوجرانوالہ جیل وچ پابند سلاسل رہے ۔ بعد وچ عدالت نے انہاں دے حق وچ فیصلہ ݙے کے انہاں کوں باعزت بری کر ݙتا.

آپؒ نے 2 مئی 2011ء کوں چند روزہ علالت دے بعد وفات پاتی۔ عصمت اللہ خان ثاقب تے کلیم اللہ خان ملتانی انہاں دے علمی جانشین ہن۔

تصانیف

تقریر و تدریس دے علاوہ انہاں نے تقریباً تریہہ توں زائد کتب وی تصنیف کیتیاں جنہاں وچ کجھ شائع تھی چکیاں ہن لیکن اکثر نایاب ہن ۔ اہم اے ہن.

• تفسیر ہدی اللمتقین (پہلے ݙاہ سیپارے)
• قرآن مقدس اور بخاری محدث
• التعاویز عن التناجیس
• سلسة الذہب فی حیات من ذہب ص (مسئلہ حیات النبی دی احادیث دی روشنی وچ تحقیق)
• حیات عیسی (ہک الزام دی تردید)
• خطبات امام انقلاب
• دمدمة الجنود علی دندة الیہود (ڈاکٹر مسعود الدین عثمانی دی رد وچ)
• انسان کی حقیقت

انہاں نے احمد رضا خان، شہادت حسین تے وی لکھا ہے۔