عطاء اللہ مینگل

سردار عطاء اللہ خان مینگل جو عام طور عطاء اللہ مینگل دے نالے نال مشہور ہن۔ عطاء اللہ مینگل ١٣ جنوری ١٩٣٠ کوں مینگل قبیلے دے سربراہ سردار رسول بخش مینگل دے گھر وچ ضلعے خضدار دی تحصیل وڈھ دے شہر وڈھ وچ پیدا تھئے۔ انہں ابتدائی تعلیم لسبیلہ کئوں حاصل کیتی تے انہں زیادہ تعلیم سندھ مدرسہ کراچی کئوں حاصل کیتی۔ ١٩۵٣ وچ اے مینگل قبیلے دے سربراہ منتخب تھئے، سردار عطا اللہ مینگل ١٩٦٢ وچ قومی اسمبلی دے میمبر منتخب تھئے۔ انہں کوں پاکستان دے صوبے بلوچستان دا پہلا وزیراعلیٰ منتخب تھیون دا اعزاز حاصل ہے۔ اے ٢ ستمبر ٢٠٢١ کون کراچی دی ہسپتال وچ فوت تھی ڳئے، اے دل دے مرض وچ مبتلا تھئے، ٣ ستمبر کوں انہں دی نماز جنازہ انہں دے آبائی علاقے وڈھ شہر (ضلع خضدار ) وچ ادا کیتی گئی، وڈھ دے شہیداں دے قبرستان وچ سپرد خاک کیتے گئے،