عثمان قاصر ڳاݙی

عثمان قاصر ڳاݙی سرائیکی شاعر ہے۔

ڄم پل[لکھو | ماخذ وچ تبدیلی کرو]

تونسہ نال تعلق ہے

جݙاں سینگی توں پرنیج ویسیں میݙے حال ونڈاوݨ کون آسی

نک نتھلی ݙیکھسی کون میݙی میکوں چِلکاں پاوݨ کون آسی

تئیں بوچھݨ دے ٹک نئیں ماریے ایھے جھیڑے لاوݨ کون آسی

ساݙی سونہہ ہئ قاصر تئیں توݨیں ساݙے میل سُہاوݨ کون آسی

عثمان قاصر

قد کاٹھ توں جو شخص زیادہ ہے اُلردا

او شخص بھلا کہیں کوں دعا چئیو کریسی

عثمان قاصر

ایہ سیارہ وی ہک اذیت ہے

اوں سیارے تے بی قیامت ہے

حِرس دی ایں اندھیر نگری وچ

او ٹِکر پوندے اوندی منت ہے

کون رکھدے خیال کہیں دا اتھ

کیکوں دنیا تے اتنی فُرصت ہے

رات آڳئی چراغ سوچیں تیں

ساݙی قسمت عجیب قسمت ہے

اوندے پیریں تے میں پیاں قاصر

میݙے متھے دے ہیٹھ جنت ہے

عثمان قاصر