عثمانیہ یونیورسٹی حیدرآباد دکن
جامعہ عثمانیہ حیدر آباد، دکن دی مشہور یونیورسٹی ہے۔ 1918ء وچ ریاست حیدرآباد دے ستویں نظام فتح جنگ نواب میر عثمان علی خان آصف جاہ ہفتم نے ایندی سنگ بنیاد رکھی۔ ایہ بھارت دی ستویں تے جنوبی ہند دی تریجھی قدیم ترین یونیورسٹی ہے تے ریاست حیدرآباد دی پہلی یونیورسٹی ہے۔[١]
ذریعہ تعلیم دی تبدیلی[لکھو | ماخذ وچ تبدیلی کرو]
1948ء وچ عثمانیہ یونیورسٹی دے اندر موجود اردو دے بیش بہا ذخیرے کوں نذرآتش کر ݙتا ڳیا۔ دسمبر سنہ 1948ء دے بعد توں ݙیڈھ ݙو سال تک جامعہ ہنگامی تے غیر یقینی حالات نال دوچار رہی۔ ذریعہ تعلیم دے مسئلے تے مختلف قسم دے کمیٹیاں بݨدے رہیے تے نویں نویں تجویزاں پیش تھیندے رہیے۔ اکثر اساتذہ عاجلانہ فیصلیاں تے کم دے طریقہ کار توں مطمئن نہ ہن۔
ہندی کوں ملک دی قومی زبان بناوݨ دے فیصلے دے نال ہی ہندوستانی زبان دا تصور وی ختم تھی ڳیا۔ ارباب جامعہ ݙو سال دے تجربے دے بعد ایں نتیجے تے پہنچے کہ ہندی کوں ذریعہ تعلیم بݨاوݨ ممکن نی۔ سابقہ فیصلے دی روشنی وچ پروفیشنل کورسز وچ انگریزی دے ذریعہ تعلیم دا زور و شور دے نال آغاز تھی چکا ہئی۔ آرٹس و سائنس دی شعبیاں کیتے وی تعلیمی سال 1951-52ء توں انگریزی ذریعہ تعلیم بݨاوݨ دا فیصلہ کر گھدا ڳیا۔ ایں طرح ہک ہندوستانی زبان دے ذریعہ تعلیم دی ملک دی واحد منفرد جامعہ دا اہم کردار تبدیل کر ݙتا ڳیا۔
حوالے[لکھو | ماخذ وچ تبدیلی کرو]
- ↑ History wayback|url=https://web.archive.org/web/20080222085632/http://oucde.ac.in/abcde00.htm |date=20080222085632 oucde.ac.in