عبدالکریم ساجن

عبدالکریم ساجن سرائیکی زبان دا شاعر ہے۔

اصل ناں      عبدالکریم

تخلص         ساجن ؔ

جمن          1971ء   

تعلیم         انجینئرنگ

پیشہ          زراعت  

فون نمبر       03457364551

جاہ پتہ         O/Pشاہ صدر دین ڈیرہ غازیخان

کتاباں

• ساوݨ مُکدا ویندے

نمونہ کلام

میڈے چودھار پانڑیں ہے کنارہ کُئی نظردا نئیں
بھلیندا عرش دو جیکر ستارہ کُئی نظردا نئیں
میکوں وی علم ہا کجھ کجھ ولا جوشی وی آکھیا ہے
تیڈی زندگی دے کہیں ڈکھ دا اتارا کُئی نظردا نئیں
میڈے جیونڑ دا کُئی پل گزارے لائق ہووے ہا
گزارا کر ونجاں ہا میں گزارا کُئی نظردا نئیں
کڈھاؤ کُئی وینڑ نئیں آندا نہ ہنڑ کئی کوک آندی ہے
میں کیڑھی سمت ونجڑاں ہے اشارہ کُئی نظردا نئیں
میڈے اندر میڈے وانگوں کئی مہمان وسدے ہن
سوا میڈے بیا میکوں ڈکھارا کُئی نظردا نئیں
میں سانول ستر اینجھی ہاں جیرھی کہیں دے وی کم دی نئیں
میڈے وانگوں میکوں جگ وچ آوارہ کُئی نظردا نئیں
نہ اپنڑیں آپ دا ساجن نہ ساجن کہیں بنڑایا ہے
حیاتی دا قیامت تک سہارا کُئی نظردا نئیں

غزل

وکهرا نگر هے عشق دا ایندا خدا وکهرا ہوندے

سجدے قضا وکهرے تهیندن سجدا ادا وکهرا ہوندے

اکهیاں دی روونڑ ریت هے وکهرا هے روونڑ پیت دا

روندا تاں ہر کوئی رہ ویندے روونڑ دا ڈا وکهرا ہوندے

سونہاں تاں جگ ہوندے پیا سنگتی مگر کوئی کوئی ہوندے

جیکر سنجانڑیں اوکه نئی جگ توں ودا وکهرا ہوندے

کہیں ڈہنہ توں اتلا سوچ سہی آخر او کینجها شخص هے

آہدے سدا رنگ پیار دا مکدی مکا وکهرا ہوندے

توں ہئیں سخی ہووے پیا پنڑیں مگر پرکهیے تاں کر

منگتے تیڈے دا دلربا ڈیونڑ صدا وکهرا ہوندے

کہیں دی نظر دے تیر ان لگدن جڈا ڈسدے وی نئیں

ایندے زخم وکهرے ہوندن ایندا دوا وکهرا ہوندے

ہووے توڑے ڈہنہ عید دا یا شہر دا میلہ ہووے

پتہ نئی کیوں دنیا کنوں ساجن تیڈا وکهرا ہوندے

عبدالکریم ساجن صاحب

غزل

آپ کو آپ پرایا لگڑاں

اپنڑیں گهر ہمسایہ لگڑاں

پتہ نئی اے کینجهی رت ہے

بت تو بهاری سایہ لگڑاں..

کینجهے کال دی کئو پئی آندی

ہنجهوں وی سرمایا لگڑاں ..

نہ کوئی میڈاں نہ میں کہیں دا

نہ ہنڑ کہیں دا جایا لگڑاں ..

ہنڑ تا کجهه محسوس نئی تهیندا

نہ ویندا نہ آیا لگڑاں .

روز صبر دیا ملماں لا کے

روز دا روگ سوایا لگڑاں.

اللہ جانڑے کیا تهی گیا ہے

ہر کہیں تو شرمایا لگڑاں .

اکثر ساجن چپ ہوندیں ہوئے

کہیں دے نال الایا لگڑاں.

عبد الکریم ساجن