عبدالعزیز آلِ سعود
نجد دا سعودی خاندان انیہویں صدی سے آغاز وچ جزیرہ نمائے عرب دے بہت بڑے حصے تے قابض تھی گیا ہئی لیکن مصری حکمران محمد علی پاشا نے آل سعود دی انہاں دی حکومت کوں 1818ء وچ ختم کر ݙتا ہئی۔ سعودی خاندان دے افراد اس دے بعد تقریباً 80 سال پریشان پھردے رہے اتھاں تک کہ 20 ویں صدی دے اوائل وچ ہیں خاندان وچ ہک ٻئی زبردست شخصیت پیدا تھئی جس دا ناں عبد العزیز بن عبد الرحمن ہئی جیہڑا عام طور تے سلطان ابن سعود دے ناں نال مشہور اے۔[١] [٢] [٣]
سعودی حکومت دا قیام
[لکھو | ماخذ وچ تبدیلی کرو]ابن سعود انیہویں صدی دے آخر وچ اپݨے پیؤ دے نال عرب دے ہک ساحلی شہر کویت وچ جلا وطنی دی زندگی گزریندا پیا ہئی۔ اوہ بڑا با حوصلہ انسان ہئی تے اس دھن وچ رہندا ہئی کہ کہیں نہ کہیں طرح اپݨے آبا و اجداد دی کھوئی ہوئی حکومت دوبارہ حاصل کر گھنے۔ آخر کار 1902ء وچ جبکہ ایندی عمر تریہہ سال ہئی، اوں نے صرف 25 ساتھیاں دی مدد نال نجد دے صدر مقام ریاض تے قبضہ کر گھدا۔ اس دے بعد اوہنے نے باقی نجد وی فتح کر گھدا۔
1913ء وچ ابن سعود نے خلیج فارس دے ساحلی صوبے الحساء تے جیہڑا عثمانی ترکاں دے زیر اثر ہئی، قبضہ کر گھدا۔ اس دے بعد یورپ وچ پہلی جنگ عظیم چھڑ گئی جس دے دوران ابن سعود نے برطانیہ نال دوستانہ تعلقات قائم رکھے تے ترکاں دے خلاف کارروائی کیتی۔ جنگ دے خاتمے دے بعد شریف حسین نے خلیفہ بݨݨ دا اعلان کر ݙتا تاں ابن سعود نے حجاز تے بھرپور حملہ کر ݙتا تے چار مہینے دے اندر پورے حجاز تے قبضہ کر گھدا تے 8 جنوری، 1926ء کوں ابن سعود نے حجاز دا بادشاہ ہووݨ دا اعلان کر ݙتا۔