عبدالرحمن اختر
اصل ناں عبدالرحمن
تخلص اخترؔ
جٖمنْ 1964ء
جاہ پتہ قصبہ گجرات ضلع مظفر گٖڑھ
عبدالرحمن اخترؔ صاحبِ کتاب شاعر ہے۔شاعری دیاں ساریاں صنفاں لکھدے۔سئیں عاشقؔ کھنڈویہ دا ناں آلا شاگرد ہے۔نمونہ کلام ملاحظہ کرو!
غزل
[لکھو | ماخذ وچ تبدیلی کرو]کتھاں منزل کتھاں توں میں کتھاں اے غم کشالے ہن
اجٖاںصحرا دے پندھ کرنْن توڑے پیریں تے چھالے ہن
اجٖاں تریہہ کوں وی تر کرنْے جگر دا خون ڈٖے ڈٖے کے
میڈٖی وستی دے بٖالیں ہتھ اجٖنْ خالی پیالے ہن
کنڈورانْے بدن تیں ہر دفعہ ہر ضرب کاری ہے
اے روہ دیاں تڑکدیاں دُھپاں یا سیکر سرد پالے ہن
اساں قیدی ہیں انج انج ذات پاتی کوٹ دے اندر
ساڈٖیاں سوچاں جوالیاں ہن ،ساڈٖے جُثے جَوالے ہن
پہاڑیں وانگ ہے سینہ سمندر سوچ وی رکھدن
ایہو جھئیں شاہ سواریں دے کئی جعفر سبٖالے ہیں
توں جیجھاں وی ہویں اخترؔ ہکو جھاں تاں نظردا ہیں
جے او مور ہن تاں کیا تھی پئے انہیں دے پیر کالے ہن
؎زمانہ کرب دا موجب زمانہ بے وفا یارو
کوئی سمجھے یا نہ سمجھے ودا ڈٖینداں دعا یارو
کوئی آرام کھس گھندے ، کوئی نندراں ونجٖا ڈٖیندے
خدا دی پاک دھرتی تے ودا گِٖنْداں خدا یارو