Jump to content

عام الفیل

وکیپیڈیا توں

عام الفیل (عربی: عام الفيل، انگریزی: The Year of the Elephant)، اسلامی تاریخ وچ ایہ سال ٻہوں ہی اہمیت رکھدے۔ ایہ سال 570ء دا ہے۔ اینہی سال مکہ مکرمہ وچ حضرت محمد صلی اللہ علیہ و آلہٖ و سلم دی ولادت تھئی، انہاں دے والد محترم نے وفات پاتی تے کعبے تے حملے دا واقعہ پیش آیا۔ عام الفیل دا مطلب ہے "ہاتھی والا سال"۔ عام الفیل یا ہاتھی والے سال دا ذکر قرآن وچ سورہ الفیل وچ ہے۔ این سال حبشہ دے مقرر کردہ یمن دے گورنر ابرہہ نے مکے تے حملہ کیتا۔ اوں نے اصل وچ صنعاء (یمن دا شہر) وچ ہک کلیسا (چرچ) الكليس تعمیر کیتا ہئی تے چونکہ اوہ مسیحی ہئی ایں کیتے اوہ چاہندا ہئی کہ عرب مکہ ونڄݨ دی بجائے اوں کلیسا کوں مرکز بݨاوے۔ جݙݨ ایہ ممکن نہ تھیا تاں اوں نے کعبہ کوں تباہ کرݨ دی ٹھاݨی۔ اوں دے لشکر وچ سینکڑاں ہاتھی شامل ہن۔ ایہ ڳالھ وی آکھی ویندی ہے کہ ابرہہ نے کعبے کوں ڈھہاوݨ دا ارادہ مذہبی جنون وچ نہ کیتا ہئی بلکہ اوندی پشت تے کھڑی اوں وقت دی مسیحی دنیا کوں بحيره احمر دى بحرى گزر گاه تے مكمل تسلط دركار ہئی كيونكه اوں زمانے وچ جیں قوت دے ہتھ وچ بحرى گزر گاہواں ہوندے ہن۔ اوہے عالمى اقتصاديت حكمرانى كریندے ہن۔

اسلام توں قبل کعبہ چونكه عرباں دا ثقافتى تے مذهبى مركز ہووݨ دے نال نال انہاں دا اقتصادى "چيمبر آف كامرس" وی ہئی۔ ایں کیتے منهدم كرݨ کیتے وݙے جواز دے طور تے یمن وچ قائم عيسائيت دا سب توں وݙا گرجا "الكليس" تباه كرا ݙتا ڳيا جیندا الزام عرباں تے لا كے اوں نے اسلام توں پہلے بيت الله كوں مٹاوݨ دا اراده كيتا۔ اوں وقت قریش دے سردار حضرت محمد صلی اللہ علیہ و آلہٖ و سلم دے ݙاݙا حضرت عبدالمطلب نے قریش کوں پہاڑاں تے پناہ گھنݨ کوں آکھا تے خود اپݨے کجھ ساتھیاں دے ہمراہ شہر وچ رہیے۔ ابرہہ نے پیغام بھیڄا کہ اوہ صرف کعبے کوں تباہ کرݨا چاہندا ہے تاں حضرت عبد المطلب نے آکھا کہ اوں گھر دا مالک خود ایندا محافظ ہے تے میکوں یقین ہے کہ اوہ اینکوں حملہ آورواں توں بچیسی تے ایں گھر دے خدام کوں بے عزت نہ کریسی۔ ابرہہ نے جݙݨ حملہ کیتا تاں اللہ نے ابابیلاں دا جھرمٹ بھیڄا جیں نے ابرہہ دے تمام لشکر تے کنکریاں وسائے۔ انہاں ککھاں نے ابرہہ دے لشکر کوں تباہ کر ݙتا۔ ابرہہ زخمی حالت وچ یمن دی طرف فرار تھیا مگر رستے وچ مر ڳیا۔ ایہ واقعہ 570ء وچ پیش آیا تے اونہی سال حضرت محمد صلی اللہ علیہ و آلہٖ و سلم دی ولادت باسعادت تھئی۔ عام الفیل کوں عرباں نے مختلف واقعات کیتے ہک حوالے دے طور تے استعمال کرݨا شروع کیتا۔ اتھوں ہک تقویم (کیلینڈر) دا آغاز تھیا جیہڑا حضرت عمر رَضی اللہُ تعالیٰ عنہُ دے دور تک جاری رہیا یعنی ہجری کیلینڈر دے اجرا تک، جݙݨ مسلماناں نے ہجرتِ مدینہ کوں ہک حوالے دے طور تے منا تے اسلامی تقویم دا آغاز کیتا۔ اینہی کیتے آکھا ویندے کہ حضرت محمد صلی اللہ علیہ و آلہٖ و سلم دی پیدائش سن ہک عام الفیل وچ تھئی۔

حوالے[لکھو | ماخذ وچ تبدیلی کرو]