عادل گبول

عادل گبول سرائیکی زبان دا شاعر ہے۔

ڄم پل

نلکا اݙا، ہیڈ پنجند، وستی گبول، علی پور ضلع مظفرگڑھ نال تعلق ہے.

کر گے او سنہڑاں سجن بے وفائی برداش کر

آ اکهیں کوں جوش گے لڑدیں توں نت سینے اندر

نم اکهیں پلکاں پوسیاں رخسار میڈے تهی گے تر

نال دل دے روز میڈی هے لڑائی برداش کر

ڈے جو گے تیکوں سجن او ڈکهاں دے وات وے

چهک چا سینے نال لا توں سمجهہ سوغات وے

ہتهہ اوں اپنے نال چن هے پچائی برداش کر

نہ لگے اونکوں ڈکهاں دی حیل رب توں منگ دعا

جتهہ وسے آباد هووے شاد هووے او سدا

کر گے اوندا ہجر تیڈی جو تباہی برداش کر

بے نہ پا کہیں وهم وچ ڈیسی صلہ تیکوں خدا

تیں تاں اوندے پیار وچ اپنی ڈتی زندگی ونجا

تیں بهلایا کینی عادل گے بهلائی برداش کر

ساڈے سینے وچ ھن ڈکھ بے سر ایویں منہ مسکار کریندوں چا

ساڈا اندر لیرو لیر ھے تن بہروں باغ بہار سجیندوں چا

ایویں جگ نہ آکھے رل گیا ھے ایویں چندری ٹھاٹ بنڑیندوں چا

کیا ڈیواں دل دے حال عادل کیویں رت دے نیر لکیندوں چا

نہ منگدی میں محل تے ماڑی نہ جهمکے نہ مہنگی سہڑی

کانهہ کانے دی چهت ہووے لاکڑ دی در درسال وے

سینگهیاں پاون میں وی پاواں او ڈکهلاون میں ڈکهلاواں

بوچهنڑ نال وی سہنڑی لگساں مونڈهے رکهساں نال وے

توں ہیں میڈے دل دا جانی توں ہیں راجا میں هاں رانی

ہتهہ وی جوڑاں سہنڑاں سئیں سنڑ زندگی دا بهئیوال وے

تیڈی رہساں نوکر عادل مرضی ہئی هنڑ جو کر عادل

تهلاں دے وچ رل رل کے تیڈا چریساں مال وے

میڈی ایہا فرمائش پوری کر سجن ہر حال وے