عابد تمیمی

عابد تمیمی سرائیکی شاعر ہے۔

1955ء تا2005ء

اپنے زمانے دے معروف شاعر عابد حسین عابد تمیمی1955ء کوں ضلع جھنگ دی تحصیل چنیوٹ اچ پیدا تھئے۔ کجھ پڑھن لائق تھئے تاں تعلیم الاسلام اپنے گھر وچ تے پنج جماعتاں اپنے علاقے دے پرائمری  سکول توں پڑھیاں ۔تے ول میٹرک گورنمنٹ اصلاح ہائی سکول چنیوٹ توں کیتا۔ایندے بعد اوہ غالباََ کوئی سرکاری ملازمت وی کریندے رہ گئے۔

جتھوں تک آپ دی شاعری دا تعلق ہے تاں اوہ ہک قادرالکلام شاعر ہن۔چونکہ عابد تمیمی سرائیکی تے پنجابی زبان دے درمیانی لہجے دے شاعر ہن،تہوں انہاں دی شاعری سرائیکی تے پنجابی حلقیاں وچ برابر پسند کیتی ویندی ہئی۔ایہا ای وجہ ہے جو عابد تمیمی ملتان تے بہاولپور سمیت پورے پنجاب دے شہراں وچ وڈے وڈے مشاعرے پڑھئے تے خوب داد حاصل کیتی۔تے ایویں ریڈیو پاکستان ملتان تے بہاولپور توں علاوہ ریڈیو پاکستان فیصل آباد تے لاہور دے ادبی پروگراماں وچ وی حصہ گھدا۔تے ایویں پی ٹی وی لاہور دے مشہور پروگرام پنجند تے سجری سویر وچ وی اوہ حصہ گھندے رہ گئے۔جڈاں جو کئی ادبی تنظیماں تے اداریاں توں ایوارڈز تے اسناد وی حاصل کیتیاں۔آپ دی تصانیف بارے میں کجھ نئیں جاندا ۔ہاں البتہ انہان دے ہک شعری مجموعہ’’پلکاں ہیٹھ تریل‘‘ دی میں تصدیق کر سگداں جیندے وچوں ترائے عدد غزلاں دی اندھی فوٹو کاپی وڈی مشکل نال میکوں موصول تھئی ۔بہر حال عابد تمیمی اپنے زمانے دے مقبول ترین شاعر ہن۔ آہدن جو ایہ سُکا پتلا شاعر جڈاں سٹیج تے آوے ہا تاں سامعین تاڑیاں نال انہاں دا استقبال کریندے تے ول اپنی اپنی فرمایش کرن لگ پوندے ہن تے عابد تمیمی وی انہاں دے فرمائشاں دا احترام کریندے ہن۔

کتاباں

• پلکاں ہیٹھ تریل

نمونہ کلام

میں کدائیں سکدا رہیا تے اوہ کدائیں سِکدا رہیا

میں کدائیں وِکدا رہیا تے،،،، اوہ کدائیں وِکدا رہیا

زندگی دے ساہواں دا،،،،،،دوہاں دے ہتھ گلوین ہا

اوہ کدائیں چھِکدا رہیا تے میں کدائیں چھِکدا رہیا

بند

(عابد حسین عابد تمیمی صاحب )محترم عابد حسین عابد تمیمی صئیب

دا بند باذوق احباب دی نظر،،،

میرے یار دا روپ سنگھار عجب،

رخسار عجب، انوار عجب،،

اوندے نین بےچین، خمار عجب،

اوندی پائل دی جھنکار عجب،،

سرکار عجب، گفتار عجب،

اقرار عجب، انکار عجب،،

اسرار عجب،، ہوشیار عجب،،

'واہ' "عابد" دا دلدار عجب،،

توجہ کریسو مرحوم عابد حسین عابد تمیمی صاحب دا بند اے

ہنڑ ترسن تے وی ترس آندائے دلدار بشارت دے چا ۔

میری اکھ مشہود فقیرنی ایں جھٹ کانڑ صدارت دے چا ۔

جے دل دا نہوں کشمیر دیندا وت کل ھم بھارت دے چا ۔

اسیں "عابد" کافر ہوئے ودے آں ہک وار زیارت دے چا۔