ظہور دمانی
ظہور دمانی دا تعلق ضلع ٹانک نال ہئی۔ سرائیکی لوک سانجھ دے اہم رکن تے سرائیکی تحریک دے نظریاتی رہنما ہن۔ سرائیکی تحریک کیتے انہاں دے خدمات لازوال ہن۔ لوک سانجھ دے بعد انہاں نے ٹانک اچ سرائیکی لوک پارٹی دی بنیاد رکھی تے نظریاتی کم مکمل تھیوݨ دے بعد سرائیکی تحریک اچ عملی سیاست دا آغاز کیتا۔ انہاں دے سیاسی سرگرمیاں دا دائرہ کار ڈیرہ اسماعیل خان ڈویژن توں گھن کے باقی وسیب اچ کھنڈ ڳیا۔ 24 اکتوبر 2007ء اچ انہاں عید دے ݙینہہ ہک دہشت گرد حملے اچ شہید کر ݙتا ڳیا تے ایں طرح سرائیکی قومیتی تحریک دا اے روشن سجھ غروب تھی ڳیا۔