طبقاتی نظام دی کشمکش

طبقاتی کشمکش، طبقاتی جدوجید تے طبقاتی جنگ جیہیں اصطلاحواں اصل وچ دشمنی تے جھیڑے دے اظہار کیتے ورتیاں ویندیاں ہن۔ جیڑھی ݙو یا ݙو کنوں ودھ طبقات دے بندیاں دے درمیان اقتصادی تے سماجی مفادات دے حصول کیتے پیدا تھیندیاں ہن۔ ایہو طبقاتی کشمکش سماج وچ تبدیلیاں دی وجہ بݨدی ہے۔ طبقاتی کشمکش سماج وچ کئی قسم دی بھڄ ترٹ وجہ بݨ سڳدی ہے۔ گھٹ اجرت تے کم کرݨ آلے مزدور تے وسائل کیتے براہ راست جنگاں یا غربت، بُکھ، بیماری یا غیر محفوظ کم کرݨ دے حالات دی وجہ نال تھیوݨ آلیْاں موتاں وی طبقاتی کشمکش دیاں وجہ ہن۔ تے ملازمت دے ختم تھیوݨ دا ݙر تے سرمایہ داراں ولوں سرمایہ کاری وچ گھاٹا، قنونی یا غیرقنونی گروہ بندی کرتے ٹیکس دے قنون، صارف دے قنون تے ٹیکس دے قنون وغیرہ بے جا قنون لاوݨ سی طبقاتی کشمکش دیاں سیاسی جدوجہداں ہن۔

" کارل مارکس دے مطابق نظام وچ طبقات دے درمیان کشمکش ہی تاریخ دے ودھارے وچ فیصلہ کرݨ تے ضروری کردار ادا کریندی ہے"

ہک سرمایہ داری نظام آپݨے اندر "طبقاتی کشمکش" دی بہترین مثال ہے۔ طبقاتی جنگ ہر جاہ تے ہے پر امریکہ خاص طور تے کاروباریاں دے ہتھوں قابُو تھئی ہوئی ریاست جیندے وچ کاروباری طبقہ آپݨی طاقت وچ ودھارے سانڳےجنگ لڑدا پئے تے آپݨے دشمناں کوں مُکیندا پئے۔ [[ونکی:سرائیکی زبان تے ادب]]