Jump to content

طارق شامی

وکیپیڈیا توں

طارق شامی سرائیکی شاعر ہے

نمونہ کلام[لکھو | ماخذ وچ تبدیلی کرو]

سِر سِراݨے  دی خیر  منگی کر

ڳل دے ڳاݨھے دی خیر منگی کر

جیڑھا تُر تُر چدھار ݙیہدا ہے

اوں نماݨے دی خیر منگی کر

سِجھ کوں ساڑا ہے اکھ بھلیندی نی

کنڈوراݨے دی خیر منگی کر

نویں سنویں دے 9 ݙیہاڑے ہن

پھٹے پُراݨے دی خیر منگی کر

ککی  ریتڑ ہے بھا  نظردی ہے

پیروراݨے دی خیر منگی کر

اوکھا سوکھا تاں جھٹ گُزردا پئے

جھوکاں بھاݨے دی خیر منگی کر

متاں سندھو بے رحم تھی پووے

کہیں  مہاݨے دی خیر منگی کر

سال پورے دا پورھیا ہے  شامی

داݨے داݨے دی خیر منگی کر

طارق شامی